Issn 2091-5446 ilmiy axborotnoma научный вестник scientific reports

ILMIY AXBOROTNOMA 
O‘QITISH METODIKASI 2016-yil, 2-son
 
 doimiy yaxshilanib borish (faoliyatning doimiy yaxshilanishi maqsadning o‘zgarmasligi deb 
ta’riflash zarur); 
 faktlarga asoslangan qarorlar qabul qilish (samarali qarorlar dalil va axborot tahliliga 
asoslanadi); 
 yetkazib beruvchilar bilan o‘zaro manfaatli aloqalar (tashkilot va yetkazib beruvchilar o‘zaro 
aloqador va bog‘liq va o‘zaro manfaatli aloqalar har ikki tomonning imkoniyatlarini oshiradi). 
Sifat menejmenti g‘oyalari va tamoyillarini amalga oshirish orqali "O‘zinga ravo ko‘rgan 
narsani o‘zgaga ham ravo ko‘rgin" degan aqida asosida amalga oshiriladi. O‘zaro hurmat va sheriklik 
va uni doimo yaxshilab, takomillashtirib borish tamoyillariga asoslangan hamkorlikdagi mehnat sifat 
menejmentining mohiyatini tashkil etadi. Lekin sifat menejmenti shior emas, balki iqtisodiyot 
rivojlangan mamlakatlardagi eng yaxshi tashkilotlarda sinovdan o‘tgan tamoyil va dastaklar tizimi, 
insoniyat tarixi davomida yig‘ilgan noyob tajriba hisoblanadi. Bu tajriba ISO 9000 seriyasidagi 
Xalqaro standartlardagi sifat menejmenti tizimida aks etgan. 
Oliy ta’lim muassasalarida sifat menejmenti tizimi masalalariga bo‘lgan qiziqish 
quyidagilar:[2] 
• 
O‘zbekiston Respublikasining "Kadrlar tayyorlash milliy dasturi" qabul qilinganidan 
keyingi uning yakunlovchi bosqichi "Sifat bosqichiga"' o‘tilishi bilan; 
• 
ta’lim va ilmiy xizmatlar bozorida raqobatning rivojlanishi, ta’lim sifati menejmenti 
natijasida innovatsion rivojlanishga bo‘lgan ehtiyojning ortishi; 
• 
davlatning ta’lim tizimida olib borayotgan siyosati va islohotlari; 
• 
sifatni oliy ta’lim muassasalari akkreditasiyasining asosiy sharti ekanligi; 
• 
har bir sivilizatsiyalashgan mamlakatning Yevropa ta’lim makoniga integrasiyalashuvi va 
Bolonya deklarasiyasining imzolanishi kabi omillarga bog‘liq. 
Bolonya jarayoni ishtirokchilarining Berlin shahrida bo‘lib o‘tgan yig‘ilishida (sentabr, 2005-y.) 
asosiy oraliq ustuvorliklar belgilangan edi, bular: sifatni ta’minlash, ikki darajali tizim, darajalar va 
ta’lim davrlarini tan olish hisoblanadi. Bu jarayonda sifat masalasi birinchi o‘rinda turibdi, uni 
ta’minlash oliy ta’lim muassasalarning zimmasiga yuklatiladi.