Issn 2091-5446 ilmiy axborotnoma научный вестник scientific reports

Annotatsiya. Maqolada oliy ta’lim muassasasi (OTM) tizimida ishlaydigan rahbar kadrlarni 
malakasini oshirishning tashkiliy-uslubiy asosini joriy holati va uni takomillashtirishning nazariy va 
metodologik muammolarini olib borilayotgan islohotlar bosqichlari bo‘yicha tahlili keltirilgan. 
Kalit so‘zlar: oliy ta’lim muassasasi, ta’limda islohotlar, malakani oshirish tizimi, rahbar 
kadrlarni malakasini oshirish, ta’lim va kadrlar menejmenti, metodologik asos.
Oliy ta’lim muassasasi tizimida ishlaydigan rahbar kadrlarni malakasini oshirishni 
metodologik asosini yaratish bugungi kunda katta ahamiyatga ega. Ma’lumki, rahbar kadrlarni 
tayyorlash masalasi tarixan o‘ta muhim masala bo‘lib, u davlatni kadrlar tayyorlash borasida olib 
borayotgan siyosati asosida izchil va aniq reja asosida, mas’uliyatni to‘la his qilgan holda ish 
yuritishni talab etadi. Bundan tashqari, ularning malakasini oshirishni samarali tashkil qilish ta’lim 
menejmentining asosiy yo‘nalishi bo‘lib, ushbu jarayon oliy ta’lim muassasasining boshqaruv 
sifatini kafolatidir. 
Ma’lumki, uzluksiz ta’lim tizimi ta’lim muassasalarining raqobatbardosh mutaxassis kadrlar 
tayyorlashdagi rolini oshirishda ko‘p jihatdan mazkur ta’lim muassasalaridagi ta’lim-tarbiya 
jarayonini boshqarishga bog‘liq bo‘lib, unda OTM rahbar kadrlari boshqaruv faoliyatini yagona 
metodolgik asosini yaratishni talab qilmoqda. Chunki ta’lim-tarbiya jarayonini samarali boshqarish 
yuqori salohiyatga ega kadrlarni tayyorlashning muhim omilidir. 
O‘zbekiston Respublikasi Prezidenti I.A.Karimov rahbar kadrlar tayyorlash masalasida 
“...boshqaruv idoralarining faoliyatini kuchaytirish, ularni joylardagi ahvol va muammolarni chuqur 
biladigan yetuk kadrlar bilan mustahkamlash masalasiga biz ustuvor ahamiyat berishimiz zarur”[6], - 
deb ta’kidlab o‘tgan edi.
Mamlakatimizda amalga oshirilayotgan ta’lim tizimidagi islohotlar ta’lim tizimini boshqarish 
mexanizmlarini o‘zgartirish, takomillashtirishni, ya’ni boshqaruvning ma’muriy buyruqbozlik 
metodlaridan voz kechib, ijtimoiy-iqtisodiy, zamonaviy talablarga mos keladigan, demokratik 
tamoyillarga asoslangan OTM boshqaruv tizimini metodologik asosini shakllantirishni taqozo 
etmoqda. O‘zbekiston Respublikasi Prezidentining «Oliy ta’lim muassasalarining moddiy-texnika 
182

---