|
ILMIY AXBOROTNOMA
TARIX
2017-yil, 4-son
28
UDK: 323.2
MUSTAQILLIK
YILLARIDA
OʻZBEKISTONDA
SAN’AT
SOHASINI
RIVOJLANTIRISHNING HUQUQIY ASOSLARI.
M.I.Nasrullayev, M.G.Xasanov
Samarqand davlat universiteti
Annotatsiya.
Ushbu maqolada mustaqillik yillarida san’at sohasini rivojlantirishning huquqiy
asoslarini yaratish ochib berilgan. Sohani rivojlantirish borasida qabul qilingan qaror va farmonlarning
mazmun-mohiyati aks etgan.
Kalit soʻzlar:
konstitutsiya, qarorlar, mustaqillik, musiqa san’ati, raqs san’ati.
Формирование правовых основ развития сферы искусства в годы независимости
Узбекистана
Аннотация
. В данной статье рассматривается формирование правовых основ развития в
сфере искусства в годы независимости республики Узбекистан. Раскрытие сущность и
значение принятых нормативно-правовых документов, касающихся рассматриваемо вопроса.
Ключевые слова:
конституция, постановление, независимость, музыкальная искусства,
хореография.
Juristic aspects of development of art in Uzbekistan during independence years
Abstract
. In this article, the formation of the legal framework for development in the field of art
in the years of independence of the Republic of Uzbekistan is considered. Disclosure of the essence
and significance of the adopted regulatory legal documents relating to the issue under consideration.
Keywords
: constitution, decree, independence, musical art,
Mamlakatimiz mustaqillikka erishganidan soʻng san’at sohasini rivojlantirishga katta e’tibor
berildi. San’at sohasi davlat va jamiyat taraqqiyotini belgilab beruvchi muhim komponentlardan
biridir. Chunki san’at ijtimoiy ong va inson faoliyatining oʻziga xos shakli boʻlib, insonlarning
madaniy, hamda ma’naviy dunyoqarashining yuksalishi, yosh avlodning estetik tarbiyasi, aqliy va
hissiy jihatdan rivojlanishi uchun xizmat qiladigan, insoniyatni ezgulikka, tinchlikka, halollikka,
vatanparvarlikka, xalqparvarlikka, insonparvarlikka, taraqqiyotparvarlikka undaydigan sohadir.
Shuning uchun ham mustaqilligimizning dastlabki yillaridan boshlab mazkur sohani rivojlantirishga
katta e’tibor berilmoqdi. Bu borada amalga oshirilgan eng katta chora-tadbir — sohani qonuniy
asosda rivojlantirishda uning huquqiy asoslarini yaratish boʻldi. Bu “Oʻzbekiston Respublikasining
Konstitutsiyasi”, Oʻzbekiston Respublikasi Prezidentining Farmonlari, Oʻzbekiston Respublikasi
Vazirlar Mahkamasi qarorlari va boshqa huquqiy hujjatlarda oʻz aksini topdi.
Oʻzbekiston Respublikasi Konstitutsiyasi davlat va jamiyat hayoti uchun oʻta muhim va
dolzarb masalalarni oʻz ichiga olgan, siyosiy, ijtimoiy, iqtisodiy, huquqiy va madaniy munosabatlarni
tartibga soladigan eng oliy va mukammal qonunlar toʻplami, milliy qomusimizdir. Unda madaniyat va
san’at sohasini rivojlantirishga qaratilgan moddalar mavjud va ular madaniyat va san’at sohasini
rivojlantirishga qaratilgan huquqiy asos hisoblanadi.
Oʻzbekiston Respublikasining Konstitutsiyasining 1-boʻlim, 1-bob 4-moddasiga koʻra [1]
Oʻzbekiston Respublikasining davlat tili oʻzbek tili hisoblanadi. Mazkur moddaga koʻra mamlakatimiz
nafaqat milliy tilimiz, qadriyatimiz, madaniyatimiz va san’atimizni, balki Respublikamizda istiqomat
qiluvchi boshqa millat vakillarining tillari, urf-odatlari, an’analari, shuningdek madaniyati va san’atini
ham keng rivojlantirishini kafolatlaydi. Bu albatta millatlararo totuvlik, boshqa millat vakillariga
gʻamxoʻrlik, tinchlik va mamlakatning ijtimoiy-madaniy sohalariga berilgan kuchli e’tibor.
Konstitutsiyamiz qabul qilingandan buyon yuqoridagi moddaga muvofiq juda koʻp tadbirlar
amalga oshirildi, chunonchi, 1992 yil yanvar oyida Oʻzbekiston Respublikasi Vazirlar Mahkamasining
qarori bilan Oʻzbekiston Respublikasi “Baynalmillat madaniyat” Markazi tashkil qilinib, unga milliy-
madaniy markazlar faoliyatini muvofiqlashtirish va ularga koʻmaklashish vazifasi yuklatildi, tub aholi
boʻlmagan xalqlar milliy an’analari, madaniyati, san’ati va boshqa oʻziga xos jihatlarining rivojiga
keng yoʻl ochib beruvchi milliy-madaniy markazlar tashkil etildi. Shunday milliy-madaniy markazlar
Do'stlaringiz bilan baham: |
