Issn 2091-5446 ilmiy axborotnoma научный вестник scientific journal

Birinchi, asosiy bosqich:
voleybol jamoaviy o`yin bo`lganligi bois, muayyan bir maqsadga 
erishish uchun jamoa a’zolarining bir-biri bilan bog‘liq hatti-harakatlari uyg‘unlik kasb etishi, 
voleybolchilarning birgalikda turli vaziyatlardan oqilona chiqib ketish ko‘nikmalarini shakllantirishdan 
iborat. 
Ikinchi bosqich:
o‘qituvchi va murabbiylar yosh voleybolchilarni tarbiyalash strategiyasini ishlab 
chiqishlari va shu strategiya asosida raqib jamoaga qarshi texnik-taktik va aqliy hujum loyihalarini 
mukammal darajada tayyorlashdan iboratdir. 
Uchinchi bosqich:
hujum va himoyadagi guruhli va individual harakatlarni bajara olishlari uchun 
voleybolchilarni qobilyatiga qarab tanlash va maydonda joylashtirish zarur. 
To‘rtinchi bosqich:
yosh voleybolchilarni o‘yinda to‘pni mukammal darajada qabul qilish, uni 
bog‘lovchi o‘yinchiga yetkazish va hujum uyushtirish kabi harakatlarini to‘la egallashlariga erishish. 
Hujum qilishdan tashqari to‘siq qo‘yish va to‘siqqa tegib o‘tgan to‘plarni qaytarish hamda bog‘lovchi 
o‘yinchiga uzatish, shunigdek, qayta hujum tashkil etish malakasini egallashlari shart. 
Beshinchi bosqich
jismoniy qobiliyat va voleybolchilarning ruhiy holati va xususiyati hamda 
morfofunksional belgilaridan iborat. Yosh voleybolchilarni har tomonlama rivojlanturuvchi vositalardan 
foydalanish asosida sakrovchanlik, kuchlilik, tezkorlik, chidamlilik, epchillik chaqqonlik kabi sifatlarni 
ularning ruhiy barqarorligini oshirish bilan birgalikda olib borish talab etiladi. 
Kuch qobiliyati
– turli xildagi mashg‘ulotlar yordamida dinamik harakatga ega bo‘lishi, ko‘pincha, 
yuqori tezlikdagi kuchni (to‘pni o‘yinga kiritish, to‘pni uzatish, to‘pga zarba berish va h .k) boshqara olish 
ko‘nikmasini rivojlantirishga xizmat qiladi. Shuning uchun, kuchlilik qobiliyatlari sportchining 
professional tayyorgarligida muhim rol o‘ynaydi.