Issiqlik texnikasi ikkinchi nashri

Nazorat uchun savollar:

1. 
   Qattiq yoqig‘i tarkibini keltiring.
   
2. 
   Gaz yoqilg‘isi tarkibini keltiring.
   
3. 
   Yoqilg‘i turlari.
   
4. 
   Yonuvchan massa qanday elementlardan tashkil topgan?
   
5. 
   Kokslashni tushuntirib bering.
   
6. 
   Chala koks deb nimaga aytiladi?
   
7. 
   Yoqilg‘ining yonish issiqligi.
   
8. 
   Shartli yoqilg‘i deb nimaga aytiladi?
   
9. 
   Yonish reaktsiyalarini keltiring.
   
10. 
    Chala yonish deb nimaga aytiladi?
    
11. 
    Qatlamli yoqish.
    
12. 
    Mash’alali yoqish.
    
13. 
    Ortiqcha havo koeffitsienti.
    
14. 
    O‘t olish temperaturasi qanday aniqlanadi?
    
15. 
    Changsimon yoqilg‘i qanday tayyorlanadi?
    
16. 
    Gorelkalar qanday ishlaydi?
    
17. 
    Forsunkalar qanday ishlaydi?
    

O‘N UCHINCHI BOB

SANOAT PECHLARI VA O‘TXONALARI

13.1. Sanoat pechlari. Sanoat pechlari haqida umumiy ma’lumot

Sanoat pechlarida yonish mahsulotlari – gazlar issiqlik tashuvchi vazifasini bajaradi. Ularning issiqligi energetik maqsadlarda emas, balki, texnologik maqsadlarda ishlatiladi.

Pechlar maishiy va sanoat pechlariga bo‘linadi. Sanoat pechlarining asosiy vazifasi – materiallar va buyumlarga termik ishlov (materiallarni qizdirish va eritish, kulolchilik buyumlarini pishirish, non yopish, quritish va sh.k.) berishdir. Ular yuqori temperaturali jarayonlar kechadigan qurilmalar qatoriga kiradi. Masalan, metallarni marten pechlarida eritish uchun 1800-2000 S temperatura zarur bo‘ladi.
Temirchilik pechlarida po‘latlar 1300 – 1500 S temperaturada qizdiriladi, o‘tga chidamli materiallar esa, 1500 – 1800S temperaturalarda pishiriladi. Pechlar ishlab chiqarishning ko‘p sohalarida (metallurgiya, mashinasozlik, oziq – ovqat va kimyo sanoati, qurilish materiallari va boshqalar) keng ko‘lamda ishlatiladi. Sanoat pechlarida asosiy issiqlik manbai – organik yoqilg‘idir. Elektr pechlari ham hozirgi vaqtda keng qo‘llanilmoqda. Bugungi kunda sanoat pechlarining umumiy qabul qilingan aniq bir tasnifi yo‘q. Masalan, ularni quyidagicha tasniflash mumkin:

1.