Issiqlik energiyasini va issiqlik eltuvchilarni hisobga olish qoidalarini tasdiqlash haqida

II. YAKUNIY QOIDA
7. Mazkur Qoidalar “O‘zbekenergo” Davlat aksiyadorlik kompaniyasi, O‘zbekiston Respublikasi
Monopoliyadan chiqarish va raqobatni rivojlantirish davlat qo‘mitasi, “O‘zstandart” agentligi bilan
kelishilgan.
“O‘zbekenergo” Davlat aksiyadorlik kompaniyasi Boshqaruvi raisi TEShABOYEV B.M.

---

O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi
raisi ISMAILOV J.G.
“O‘zstandart” agentligi Bosh direktori ABDUVALIYEV A.A.
Issiqlik energiyasini va issiqlik
eltuvchilarni hisobga olish
qoidalariga
  
1-ILOVA
Issiqlik energiyasini va issiqlik eltuvchilarni hisobga olish uslubiyoti
I. ISSIQLIK MANBAIDAGI ISSIQLIK ENERGIYASINI VA ISSIQLIK ELTUVChILARNI HISOBGA OLISh
1-§. UMUMIY QOIDALAR
1. Issiqlik manbalaridan; issiqlik elektr markazlari (bundan keyin — IEM), qozonxonalar va
shunga o‘xshash issiqlik manbalaridan chiquvchi, ularning har bir uzatuvchi quvurlari issiqlik
energiyasini hisobga olishni nazorat qilish priborlari bilan jihozlanadi.
2. Qaytaruvchi quvurlarda o‘rnatiladigan hisobga olish priborlari to‘yintiruvchi quvur ulangan
joygacha joylashishi shart.
3. Issiqlik energiyasini hisobga olish priborlari issiqlik ta’minoti korxonasi va iste’molchining
issiqlik tarmoqlarining bo‘linish chegarasida amalga oshirilishi kerak.
4. Issiqlik manbaidagi har bir issiqlik punktida quyidagilar aniqlanishi shart:
hisobga olish priborlarining ishlagan vaqtlari;
yetkazib beriladigan issiqlik energiyasi;
issiqlik manbai tomonidan issiqlik uzatuvchi quvur bo‘ylab yetkazib berilgan va qaytaruvchi
quvurlar bo‘ylab qabul qilingan issiqlik eltuvchining miqdori;
issiqlik ta’minoti tizimini to‘yintirishga sarflanadigan issiqlik eltuvchining miqdori;
har bir soatda yetkazib berilgan bug‘ning va issiqlik manbaiga qaytarilgan kondensatning
miqdori;
uzatuvchi va qaytaruvchi quvurlardagi issiqlik eltuvchining va to‘yintirish quvurlaridagi
to‘yintirish uchun foydalaniladigan sovuq suvning o‘rtacha soatlik va o‘rtacha sutkalik harorati va
bosimi.
5. Issiqlik eltuvchining parametrlarni o‘rtacha qiymati va shuningdek biron-bir boshqa vaqt
oralig‘i uchun ularning o‘rtacha qiymatlari, issiqlik eltuvchining parametrlarini qayd qiluvchi
priborlar ko‘rsatkichlari asosida aniqlanadi.