Issiqlik – massa almah

5.7. Past temperatura sirtli va kichik issiqlik inertsiyali nurlanish isitish qurilmalarining konstruktsilari
Yuqorida keltirilgan nurlanish isitish qurilmalarining kamchiligi katta issiqlik inertsiyasiga ega va shunga bog’liq holda boshqarishda qiyinchilik tug’diradi. Mikroklimatning issiqlik parametrilarini nisbatan juda tez boshqarish uchun eng avval bino ichidagi havo temperaturasini o’zgartirish lozim bo’ladi. Konvektiv isitishda bu unchalik qiyin emas, chunki uning vaqt doimiysi (inertsiyasi) juda kichik.

Yuqorida ko’rsatib o’tilgan kamchiliklarni yo’qotish maqsadida, kichik issiqlik inertsiyali nurlanish isitish qurilmalaridan foydalanish mumkin, bunda ikki xil echim bo’lishi mumkin: ilonizini suvoq qatlam ichiga joylashtirish, yoki issiqlikni uzatishda po’lat hamda boshqa turdagi metalldan tayyorlangan listlarni issiqlik elitgichlar o’tuvchi quvurga ulash yordamida amalga oshiriladi. Yashash va administativ binolarda qurilmaning sirtidagi o’rtacha temperatura 70⁰S dan past bo’lmasligi kerakligi va shunga ko’ra bu turdagi isitish past temperatura sirtli va kichik issiqlik inertsiyali nurlanish isitish qurilmalari qatoriga kiradi.