Исми шарифи Қаламтасвир фанини ўҚитишда талабаларнинг бадиий—образли тафаккурини ривожлантириш методикасини такомиллаштириш

Мавзунинг республикада олиб борилаётган илмий тадқиқотларнинг устувор йўналишларига мослиги: Мазкур тадқиқот республика фан ва технологиялар ривожланишининг I. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий- маърифий ривожлантиришда инновацион ғоялар тизимини шакллантириш ва уларни амалга ошириш йўллари” устувор йўналиши доирасида бажарилган.
Диссертация ишининг илмий-тадқиқот ишлари режалари билан боғлиқлиги. Диссертация тадқиқоти Бухоро давлат университетининг илмий-тадқиқот ишлари режасига мувофиқ 2020-2023 йилларга мўлжалланган “Қаламтасвир фанини ўқитишнинг долзарб муаммо ва ечимлари” мавзуси доирасида бажарилади.
Тадқиқотнинг мақсади: “Қаламтасвир” фанини ўқитишда талабаларнинг бадиий—образли тафаккурини ривожлантириш методикасини такомиллаштиришга оид таклиф ва тавсиялар ишлаб чиқишдан иборат.
Тадқиқот концепцияси. Агар,
– “Қаламтасвир” фанини ўқитишда талабаларнинг бадиий—образли тафаккурини ривожлантиришнинг методик тизими ишлаб чиқилса;
– бу жараёнда бадиий-образли тафаккурнинг психологик, дидактик асосларига таянилса; унинг методик йўналишлари, бўлажак тасвирий санъат ўқитувчиларида бадиий-образли тафаккурни ривожланишига, “Қаламтасвир” фнини ўқитиш методикасини такомиллаштириш механизми, моделлари ишлаб чиқилиб таълим амалиётига тадбиқ этилса; “Қаламтасвир” фанини ўқитишда талабаларнинг бадиий—образли тафаккурини ривожлантириш тизимида кафолатланган натижа олиш имконияти вужудга келади.
Тадқиқотнинг вазифалари:
педагогика олий таълим муассасаларида олий таълимнинг тасвирий санъат йўналишида “Қаламтасвир” фанини ўқитиш жараёнида талабаларнинг бадиий-образли тафаккурини ривожлантиришнинг педагогик шарт-шароитларини аниқлаштириш, услубий-дидактик таъминотини такомиллаштириш;
бўлажак тасвирий санъат ўқитувчиларининг бадиий-образли тафаккурини ривожлантиришнинг дидактик моделини такомиллаштириш;
бўлажак тасвирий санъат ўқитувчиларини тайёрлашда “Қаламтасвир” фанини ўқитиш жараёнида талабаларнинг бадиий-образли тафаккурини ривожлантириш методикасини такомиллаштириш;
“Қаламтасвир” фанини ўқитиш жараёнида талабаларнинг бадиий-образли тафаккурини ривожлантириш методикасини такомиллаштириш бўйича методик тавсиялар ишлаб чиқиш.