Ishtirok etuvchilar

Marsell
(Sahna arqasidan)
Shahzoda?
Gorasio
(Sahna orqasidan }
U qaerda?
Hamlet
Ha, shunday bo'lur!
Gorasio
{Sahna orqasidan)

Hay, bormisiz Shahzoda!

Hamlet
Labbay, do'stlarim!
Gorasio va Marsell kirib keladilar.
Marsell
Xo'sh, Shahzoda?
Gorasio
Nima gap?
Hamlet
Qiyomat gaplar!
Gorasio
Xo'sh, nima gap
Hamlet
So'ylasam, sir tutolmassiz.
Gorasio
Yo'q, mahkam sir tutamiz.
Hamlet

Xo'p, bo'lmasa, gap shunda: kim o'ylardiki..

Lekin bu gap o'zaro?!

Gorasio va Marsell
Bahaqqi — Xudo.
Hamlet

Shunday razil yo'q butun Danimarqada,

Uzi shuning ustiga — pachava, ablah.¹

Gorasio

Shu hikmatli gaplarni aytmoqlik uchun

Arvoh kerak edimi?

Hamlet

So'zlaring to'g'ri.

Endi gapni cho'zmasdan qo'llarni siqib
Xayrlashib ketaylik o'z ishimizga.
Sizning bo'lak ishingiz, xohishingiz bor,—
Har kimning bor zotan o'z ish va xohishi.—
Mening ham o'z xohishim;— gapning ochiri
Bir devona bapdaman bormog'im zarur
Ibodatu toatga.

Gorasio

Bu so'zlar faqat

Uzuq-sochiq so'zlarning girdobi, xolos.
________________
¹Hamlet sirni (ya'ni amakining qotil ekanini) ochib berishiga sal qoladi, amma birdan o'zini tutib ehtiyotkorlik yuzasidan gapni boshqa yoqqa buradi. U davrda podshohni Jinoyatda ayblagan kishini o'lim bilan jazolanar edi.

Hamlet
Sizni ranjitgan bo'lsam, uzr so'rayman...
Gorasio
Rayjimoqka sabab yo'q.
Hamlet
Yo'q, Gorasiy bor,
Avliyomiz Patrikka¹ ont ichaman, bor.
Endi Arvoh haqida shuni aytayki,
U mu'tabar, hurmatga sazovor bir zot
Bu haqdagi chin gapni surishtirmanglar.
Endi mening do'stlarim, maktabdoshlarim,
Qilichboz sheriklarim, sizlarga o'tinch.