Қишлоқ қурилиш банк

Даъво муддати нима ва умумий даво муддати қанча?
Жавоб: Даъво муддати - шахс ўзининг бузилган ҳуқуқини даъво қўзғатиш йўли билан ҳимоя қилиши мумкин бўлган муддатдир. Умумий даъво муддати - уч йил.

	Банк омонати шартномаси тушунчаси ва қачондан ушбу шартнома тузилган ҳисобланади? Жавоб: Банк омонати шартномаси бўйича биринчи тарафдан (омонатчидан) қабул қилиб олган ёки унинг номига келган пул суммасини (омонатни) қабул қилиб олган иккинчи тараф (банк) шартномада назарда тутилган шартлар асосида ва тартибда омонат суммасини қайтариш ва унга фоизлар тўлаш мажбуриятини олади. Банк омонати шартномаси омонат суммаси банкка келиб тушган кундан бошлаб тузилган ҳисобланади.
	Учинчи шахс фойдасига қўйиладиган омонат ҳақида тушунтириш беринг. Жавоб: Омонат банкка муайян учинчи шахс фойдасига қўйилиши мумкин. Номига омонат қўйилаётган фуқаронинг исмини ёки юридик шахснинг номини кўрсатиш банк омонати тўғрисидаги тегишли шартноманинг муҳим шартидир. Агар шартномада бошқача тартиб назарда тутилган бўлмаса, номига омонат қўйилган учинчи шахс пул ўз ҳисобварағига келиб тушган пайтдан бошлаб омонатчи ҳуқуқларини қўлга киритади. Номига омонат қўйилган учинчи шахс ундан воз кечган ҳолларда учинчи шахс номига банк омонати шартномаси тузган шахс омонатни қайтариб беришни талаб қилишга ёки уни ўз номига ўтказишга ҳақли.
	Бошқа шахсларга ўтиши мумкин бўлмаган ҳуқуқларни айтиб ўтинг? Жавоб: Кредиторнинг шахси билан чамбарчас боғланган ҳуқуқлар, хусусан алиментлар тўғрисидаги ва ҳаётга ёки соғлиққа етказилган зарарни тўлаш тўғрисидаги талаблар, янги кредиторга мажбуриятнинг бажарилишини таъминлайдиган ҳуқуқлар, талаб билан боғлиқ бошқа ҳуқуқлар, шу жумладан тўланмаган фоизларга ҳуқуқ.