Қишлоқ ХЎжалик корхоналарида бухгалтерия ҳисобини ташкил қилиш

ҚИШЛОҚ ХЎЖАЛИК КОРХОНАЛАРИДА БУХГАЛТЕРИЯ ҲИСОБИНИ ТАШКИЛ ҚИЛИШ

Талаба : Сапарбаев Даврон

Ўқитувчи : Рузиева Дилноза

Режа :
1. Қишлоқ хўжалик корхоналарининг бухгалтерия ҳисоби субъекти сифатидаги тавсифи ва улар фаолиятининг ташкилий-ҳуқуқий асослари
2. Қишлоқ хўжалик корхоналари ҳисоб сиёсатининг характерли хусусиятлари
3. Қишлоқ хўжалик корхоналарида бухгалтерия
ҳисобининг асосий вазифалари

Қишлоқ хўжалик корхоналарини бухгалтерия ҳисоби субъектлари сифатида турлича таснифлаш мумкин. Ушбу таснифий белгилар ичида қишлоқ хўжалик корхоналарининг турлари, соҳаси, ихтисослашганлиги, ходимларининг сони, солиқ тўлаш режими муҳим ўрин тутади.

Қишлоқ хўжалик корхоналарини бухгалтерия ҳисоби субъектлари сифатида турлича таснифлаш мумкин. Ушбу таснифий белгилар ичида қишлоқ хўжалик корхоналарининг турлари, соҳаси, ихтисослашганлиги, ходимларининг сони, солиқ тўлаш режими муҳим ўрин тутади.

Турларига кўра қишлоқ хўжалик корхоналари фермер хўжаликларига, деҳқон-фермер хўжаликларига, ширкат хўжаликларига, агрофирмаларга бўлинади.

Соҳасига кўра қишлоқ хўжалик корхоналари деҳқончилик ва чорвачилик, шунингдек ушбу соҳаларнинг ҳар иккаласига ҳам доир бўлган корхоналарга бўлинади.

Ихтисослашганлигига кўра қишлоқ хўжалик корхоналари деҳқончилик ва чорвачиликнинг турли йўналишидаги корхоналарга бўлинади. Масалан, чорвачилик соҳасидаги қишлоқ хўжалик корхоналари қорамолчилик, қўйчилик, йилқичилик, чўчқачилик, паррандачилик ва бошқа шу каби соҳаларга ихтисослашган. Деҳқончилик соҳасидаги қишлоқ хўжалик корхоналари боғдорчилик, ғаллачилик, тамакичилик ва бошқа йўналишлардаги хўжаликларга бўлинади. Агрофирмалар ҳам қишлоқ хўжалигининг у ёки бу соҳасига, шунингдек аралаш соҳаларга доир корхоналар ҳисобланади.

Ходимларининг сонига кўра қишлоқ хўжалик корхоналари микрофирмалар, кичик корхоналар, ўрта ва йирик корхоналарга бўлинади. Республикамизнинг қонун ҳужжатларига кўра қишлоқ хўжалик тармоғида микрофирмалар тоифасига кирувчи корхоналар бўлиб ходимларининг сони 20 тагача бўлган, кичик корхоналар бўлиб ходимларининг сони 50 тагача бўлган корхоналар ҳисобланади. Ўрта ва йирик қишлоқ хўжалик корхоналари ходимлари сонининг аниқ миқдори қонун ҳужжатлари билан белгиланмаган.