|
БИОЛОГИК ХУСУСИЯТЛАРИ
Барча полиз экинлари жанубдан (қовун Кичик Осиё
билан Ўрта Осиёдан) келиб чиққанлигидан иссиқсевардир.
Қовуннинг уруғи +14-16 °С да уна бошлайди. Ҳарорат бундан
пасайганда уруғлар ерда чириб қолади, сийрак униб чиқади.
Шунинг учун полиз экинларини жуда эрта – ер қизимасдан
экиш мақсадга мувофиқ эмас.
Уруғнинг униб чиқиши учун мақбул ҳарорат +20 °С
ҳисобланади. Сутка давомида ҳарорат +15-32 °С атрофида
ўзгариб туриши мумкин. Ана шундай ҳароратда уруғ
экилгандан кейин 5-6 кунда майсалар кўрина бошлайди.
Ҳароратнинг пасайиши майсаларнинг униб чиқишини
пасайтиради.
Қовуннинг ўсиб ривожланиши учун қулай ҳарорат
+25-30 °С ҳисобланади. Ҳарорат +12-15 °С гача пасайса,
экинларнинг гули тўкилиб кетади, улар ўсишдан тўхтайди
ва секин-аста қуриб қолади. 0 °С ёки -1 °С полиз экинлари
майсаларини ёппасига нобуд қилади. Ҳарорат -3-5 °С га
тушиб қолса, вояга етган ўсимликлари ҳам зарарланади.
Қовун ёруғсевар ўсимликдир. Сояда улар секин
ривожланади ва натижада ҳосилдорлиги пасайиб кетади.
13
ҚОВУН ВА ТАРВУЗ ЕТИШТИРИШИ
16–
китоб
Шунинг учун уларни соялаб қўядиган ўсимликлар билан
бирга ёки мева боғлари қатор ораларига экиш тавсия
этилмайди.
Қовун ўсимлигининг ерга ёйилиб ўсадиган палаги 2-3
метргача етади. Барглар қўлтиғидан жингалаклар ўсиб
чиқади. Ўсимлик шулар ёрдамида атрофдаги нарсаларга
илашиб олиб, ер юзасидан юқори кўтарилади.
МОРФОЛОГИК ХУСУСИЯТЛАРИ
Илдизи
Қовуннинг илдиз тизими кучли ривожланган, асосан ўқ
илдиз ҳамда ён илдизлардан иборатдир.
Одатда қовуннинг ўқ илдизи, ён илдизларига қараганда
камроқ ривожланган бўлади. Ўсиш даврининг охирида
илдиз бўғзи 5-6 см йўғонликда, ундан пастроқда эса икки
баравар ингичкалашади, 1 м чуқурликда эса ўқ илдиз 0,4 см
йўғонликда бўлади.
1-Расм. Гуллаш даври, 2-мева тугиш, 3-мева пишиш даври
14
100 китоб тўплами
Биринчи даражали ён илдизларнинг сони 10-15 та бўлиб,
улар тубининг диаметри 0,2-0,4 см, узунлиги эса 2-3 м га
етади, улар қовун палагининг йўғонлигидек бўлади.
Ён илдизлар тупроқда ҳар хил жойлашади. Айрим
навларнинг илдизлари 15-25 см чуқурликда ёнига
тарқалади, фақат илдизнинг учидаги қисмигина тупроққа
1,5 м чуқурликда тарқалади, баъзи навларнинг ён илдизлари
ёнига жойлашмайди. Илдиз тизими ривожланиши қовун
навларининг ташқи муҳит шароитига, тупроқ таркиби,
унумдорлиги, озиқланиш майдони, юмшоқлиги ва намлигига
боғлиқ.
ПОЯСИ
Қовуннинг палаги бақувват бўлиб, ер бағирлаб ёки
чирмашиб ўсади, ундан 3-4 та тартиб шохлар ўсиб чиқади
ва узунлиги 3-4 м га, палагидаги ҳамма шохларнинг ўртача
узунлиги 20-25 м га етади.
Навларга боғлиқ ҳолда ҳар тупда 200-400 та йирик
(узунлиги 15-16 см, кенглиги 26-28 см) яхлит ёки қирқимли,
кунгирали барглар бўлади. Барг япроқлари қовун навига ва
ташқи муҳитга қараб 12-15 см ли барг банди пояларда навбат
билан жойлашади.
ГУЛИ
Қовун бир уйли, айрим
жинсли ўсимликдир, баъзан
икки жинсли ўсимликлари
ҳам учрайди. Икки жинсли
ўсимликларда оналик гул-
лари алоҳида, оталик гул-
лари эса гулшода ҳолида,
барг қўлтиқларида пайдо
бўлади. Гултожи сариқ, беш
2-Расм. 1 Оналик гули,
2 оталик гули
15
ҚОВУН ВА ТАРВУЗ ЕТИШТИРИШИ
16–
китоб
тожибаргли, оталикларида чангчилари сони бешта битта
эркин ва тўртаси жуфт-жуфт бўлиб бирга қўшилган бўлади.
Оналик гулларида тугунча, устунча ва тумшуқча аниқ
ажралиб туради, чангдонлари икки уйлилари гермафродит
ҳисобланади, пастдан найчалайди (илдизга яқин жойдан).
Оналик гуллари 1-2 тадан, оталик гуллари 5-15 донадан
гулдаста ҳолда бўлади. Оталик гуллари бир кун яшайди,
оналик гуллари эса 2-3 кун яшайди, чанглангандан сўнг
мева ҳосил бўлади.
МЕВАСИ
Қовун меваси кўп уруғли – сохта мева ҳисобланади.
Катталиги навига, турига, шаклига, рангига қараб ҳар хил
бўлади. Уруғлари уруғ туткичлари билан мева ўртасидаги
бўшлиқда жойлашади ва уни тўлдириб туради.
ҚОВУН ШАКЛЛАРИ
1-япалоқ;
2-думалоқ;
3-овалсимон;
4-элипссимон;
5-тухумсимон;
6-урчуқсимон;
7-цилиндрсимон.
16
100 китоб тўплами
ҚОВУН СИРТИ
1-силлиқ;
2-ғадир-будур;
3-нотекис;
4-тилим-тилим;
5-ажинли;
6-чуқур тилим-тилим.
Қовун сиртидаги суратлар:
1-суратсиз, 2-бирламчи тор йўллар, 3-бирламчи тор узуқ-
узуқ йўллар, 4-қўш тор йўллар, 5-қўш тор узуқ йўллар, 6-кенг
қўш йўллар билан биргаликдаги тасмачалар, 7-қўш кенг, кам
узуқ-узуқ йўллар, 8-кичик камёб доғлар, 9-йирик тўқ доғлар,
10-йирик камёб доғлар, 11-йирик тўқ доғлар, 12-йирик камёб
доғлар, 13-йирик тўқ доғлар, 14-учламчи ранг, 15-йирик тўқ
нуқтасимон доғлар, 16-йўлларсиз тасмачалар.
17
ҚОВУН ВА ТАРВУЗ ЕТИШТИРИШИ
16–
китоб
ҚОВУННИНГ ТЎРЛАНИШИ
1-майда ёриқлар;
2-йирик ёриқлар;
3-майда катакли тўр;
4-йирик катакли тўр;
5-дағал ғадир-будурсимон тўр.
ҚОВУН ЭТИНИНГ РАНГИ
1-қизғиш;
2-оч қизғиш;
3-оқ;
4-яшил оқ;
5-яшил;
6-қаймоқ ранг;
7-қизил-қизғиш;
8-пушти.
УРУҒИ
Қовун уруғи ҳарорат +15 °С дан юқори бўлганда 5-7 кунда,
+25-30 °С га етганда 48 соатда қийғос униб чиқади ва ҳарорат
+40 °С дан ошганда эса уруғ унмайди.
Қовун уруғи тўқ сариқ, оқиш, оч қаймоқ рангли, чўзиқ ва
кенг овал шаклда, майда-йирик бўлиб, узунлиги 14-28 мм,
1000 дона уруғ оғирлиги 40-80 г Уруғ унувчанлиги 8-10 йил
сақланиши мумкин.
18
100 китоб тўплами
Уруғдон шакли ва жойлашиши:
1-оқиб тушадиган;
2-қуруқ, бирикиб кетмаган;
3-қуруқ, бириккан;
4-қуруқ, ички томондан очиқ;
5-кубоклашган.
Қовун уруғининг шакли:
1- майда;
2- ўрта;
3- йирик;
4- олма уруғсимон;
5- тор учли тухумсимон;
6- кенг учли тухумсимон;
7- наштарсимон.
Do'stlaringiz bilan baham: | 
