«Қишлоқ ХЎжалиги маҳсулотларини сақлаш ва дастлабки ишлов бериш технологияси» кафедраси

2.2 МАЛАКАВИЙ АМАЛИЁТГА ҚЎЙИЛГАН ТАЛАБЛАР
Талабаларнинг малакавий амалиёти бўйича тақсимоти институт корхона билан тузган амалиёт шартномаси орқали амалга оширилади ва институт ректорининг буйруғи билан тасдиқланиб йўлланма орқали жўнатилади.
Талабаларга амалиётга кетишдан олдин кафедрадан амалиётга йўлланма, амалиёт дастури ва амалиётни ўташ бўйича деканат томонидан тасдиқланган кундаликлар тарқатилиб, уларга кундалик юритиш, амалиёт давомида техника ҳавфсизлиги ва меҳнатни мухофаза қилиш ҳамда амалиёт тартиби тўғрисида услубий тушунчалар берилади.
Амалиётни бошқариш. Амалиётга раҳбарлик қилиш «Қишлоқ хўжалиги маҳсулотларини сақлаш ва дастлабки ишлаш технологияси» кафедрасидан тайинланган профессор-ўқитувчилари зиммасида бўлиб, улар амалиёт дастурини етарли даражада бажарилишини таъминлайдилар.
Амалиёт давомида ҳар бир гуруҳга бир мутахассис профессор-ўқитувчи раҳбар этиб тайинланади ва у талабалар амалиётига рахбарлик қилиб, амалиёт даврида юзага келадиган муаммо ва масалаларни бартараф этишга ёрдам ва тегишлича маслаҳатлар беради, ҳафтада камида бир марта амалиёт кундалигига талабаларнинг амалиёт мобайнида фаолияти ҳақидаги ўз фикр мулоҳазаларни ёзиб, имзо чекиб боради.
Шунингдек, талаба танишув амалиётига хўжалик томонидан раҳбар бириктирилади ва у талаба кундалигини ҳар куни назорат этиб боради ва бажарилган ишларни тегишлича белгилаб боради.
3. АМАЛИЁТНИ ЎТАШ ТАРТИБИ
Талаба амалиётни ўтиш даврида қуйидагиларга риоя қилиши шарт:

• 
  амалиёт даврида қайд этилган барча вазифаларни бажариши;
  
• 
  амалиёт ўтказаётган корхонанинг ички меҳнат тартиб-интизом қоидаларига риоя қилиши;
  
• 
  меҳнатни муҳофаза қилиш, техника ҳавфсизлиги ва санитария-гигиена қоидаларини ўқиб унга риоя қилиши;
  
• 
  Амалиёт даврида кундалик дафтари ҳар доим ёнида бўлиши ва бажарилган ишларни ёзиб бориши;
  
• 
  Амалиёт ҳисоботи учун маълумотларни тўплаб бориши.
  

Амалиёт ўтиб бўлингач, уч кун муддат ичида талабалар амалиёт даврида бажарилган ишлар бўйича ҳисобот ёзиб, уни ҳимоя қилиши ва синовдан ўтишлари зарур.
Ўз вазифаларини совуққонлик билан бажарган ёки меҳнат интизомини бузган талабага нисбатан хўжалик маъмурияти маъмурий жазо қўллаши ёки талабалар сафидан чиқарилишига тавсия этиши мумкин.
Амалиёт дастурини узрли сабабларга кўра бажармаган талабалар таътил кунлари яна қайтадан ўз ҳисобидан амалиётга жўнатилади.
Амалиётга қатнашмаган, қониқарсиз тавсифнома олган ёки ҳисоботни қониқарсиз баҳога ҳимоя қилган талабалар ўқишдан четлатилади.