«Қишлоқ ХЎжалиги маҳсулотларини сақлаш ва дастлабки ишлов бериш технологияси» кафедраси

2. УМУМИЙ ҚОИДАЛАР ВА КЎРСАТМАЛАР
5410500-“Қишлоқ хўжалик маҳсулотларини сақлаш ва дастлабки ишлаш технологияси” таълим йўналишлари бўйича кадрлар тайёрлашнинг муҳим қисми бўлган талабаларнинг малакавий амалиёти, талабаларнинг ўқув жараёнида олган назарий ва амалий билимларини чуқур ўзлаштиришга, юртимиздаги мавжуд қишлоқ хўжалик техникалари билан танишадилар ва фермер хўжаликларидаги мавжуд бўлган барча йўналишларни ўрганадилар.
Амалиёт бошланишидан 1 кун олдин кафедра мудири, амалиёт раҳбари ва деканат ходимлари иштирокида амалиётга юборилувчи талабалар билан амалиёт олди семинари ўтказилади. Семинарда талабаларни амалиёт ўташ жойлари ва амалиётни ўташ тартиби, амалиёт натижаси бўйича хисобот тайёрлаш ва уни химоя қилиш масалалари қўриб чиқилади. Амалиёт бошланишидан аввал, талаба амалиёт дастури ва уни ўтиш график жадвали билан танишадилар. Амалиёт даврида эса амалиётчи талабалар қишлоқ хўжалик экинларини сақлаш ва дастлабки ишлаш жараёнида бевосита иштирок этишади ва қишлоқ хўжалик экинларини етиштиришнинг технологик карталарини тузадилар.
Малакавий амалиёт талабанинг назарий ва амалий тайёргарлигини, унинг қобилиятини, мутахасислик бўйича олган билимларини соҳани қандай эгаллаши ҳамда иш бошқариш қобилиятини белгилайди.
Малакавий амалиёт 3 қисмдан иборат бўлиб, у ўз навбатида:
1. Ташкилий қисм;
2. Асосий қисм;
3. Малака талабига мос равишда ташкилотдаги рухсат этилган хужжатлар нусхалари каби қисмларга бўлинади.
Талабалар амалиёт ўташ мобайнида ташкилотчи сифатида: Машина ткактор парклари, ишлаб чиқариш соҳасида Ўзбекистон Республикаси Президенти ва ҳукумат қарорларини халққа етказувчи бўлиши, шунингдек, ташкилий ишларда қатнашиши (йиғилиш, маъруза, суҳбатлар, конференция ва бошқалар) кўзда тутилган.
Асосий қисмда кўзда тутилган ишлар кетма-кетлиги мазкур услубий кўрсатмада баён этилган.
Малакавий амалиётнинг 3-таркибий қисми бўлган ишлаб чиқариш жараёни билан боғлиқ бўлган хужжатлар билан ишлаш муҳим саналади.
Ушбу услубий кўрсатманинг мақсади – талабанинг Малакавий амалиётни бажаришга ва ҳимоя қилишга йўналтириш, ҳамда уларда соҳанинг муҳим тармоғи бўлган ўлчов ишларини олиб боришни ўрганишида амалий ёрдам кўрсатишдан иборат.
Қуйида малакавий амалиётнинг мақсади, вазифалари ва аҳамияти ҳамда, амалиётни бажаришга қўйилган асосий талаблар келтирилган.