«Қишлоқ ХЎжалиги маҳсулотларини сақлаш ва дастлабки ишлов бериш технологияси» кафедраси

6. ТАЛАБАЛАРНИНГ АМАЛИЁТ ДАВРИДАГИ ВАЗИФАЛАРИ
Талабалар амалиётдан олдин ва уни ўташ давомида қуйидагиларни бажаришлари зарур:

• 
  амалиёт даврида қайд этилган барча вазифаларни бажариши;
  
• 
  амалиёт ўтказаётган корхонанинг ички меҳнат тартиб-интизом қоидаларига риоя қилиши;
  
• 
  меҳнатни муҳофаза қилиш, техника ҳавфсизлиги ва санитария-гигиена қоидаларини ўқиб унга риоя қилиши;
  
• 
  Амалиёт даврида кундалик дафтари ҳар доим ёнида бўлиши ва бажарилган ишларни ёзиб бориши;
  
• 
  Амалиёт ҳисоботи учун маълумотларни тўплаб бориши.
  

Амалиёт ўтиб бўлингач, уч кун муддат ичида талабалар амалиёт даврида бажарилган ишлар бўйича ҳисобот ёзиб, уни ҳимоя қилиши ва синовдан ўтишлари зарур.
Ўз вазифаларини совуққонлик билан бажарган ёки меҳнат интизомини бузган талабага нисбатан хўжалик маъмурияти маъмурий жазо қўллаши ёки талабалар сафидан чиқарилишига тавсия этиши мумкин.
Амалиёт дастурини узрли сабабларга кўра бажармаган талабалар таътил кунлари яна қайтадан ўз ҳисобидан амалиётга жўнатилади.
Амалиётга қатнашмаган, қониқарсиз тавсифнома олган ёки ҳисоботни қониқарсиз баҳога ҳимоя қилган талабалар ўқишдан четлатилади.
Амалиётга қатнашмаган ёки амалиёт режасида кўрсатилган топшириқни тўла бажармаган, шунингдек амалиёт даврида ўзбошимчаликка йўл қўйган талабалар қайта амалиётга юборилади ва қайтадан амалиёт ўтайди ёки талабалари сафидан четлаштирилади.
Меҳнат қонунчилиги ва ички тартибини бузган талабаларга амалиёт рахбари томонидан жазо чораси кўрилади ва бу хақида институт маъмуриятга хабардор қилинади.
7. АМАЛИЁТ БЎЙИЧА ЁЗМА ҲИСОБОТНИ ТАЙЁРЛАШ ВА УНИ ҲИМОЯ ҚИЛИШ
Талаба амалётга оид ҳисоботида қишлоқ хўжалик маҳсулотларини қайта ишлаш корхоналарининг маҳсулотларни сақлаш ва бирламчи ишлов бериш технологиясини батафсил баён етиши шарт. Бунда асосий эътибор ишлаб чиқариш жараёнининг технологик хусусиятларига, қўлланилаётган техника ва технологияларнинг самарадорлик кўрсаткичларига, меҳнатни ташкил этишнинг янги, замонавий усулларини қўллашга, ишлаб чиқариш жараёнида мавжуд бўлган камчиликларга, уларнинг келиб чиқиш сабабларини аниқлашга ҳамда уларни бартараф этиш бўйича самарали таклифлар беришга қаратилган бўлиши лозим. Ҳисобот қўл ёзма шаклида тартибли, А-4 форматли оқ қоғознинг бир бетига ёзилади. Ҳисобот ҳажми 20-25 бетни ташкил этади.

Хисобот мазмуни мундарижага асосан ёзилади: