Ishlatish joylari keltirilgan

Betonning siqilishdagi prizmatik mustahkamliligi

Temirbeton konstruksiyalarning shakli kublardan farq qilishi sababli ularning mustahkamligini hisoblashda betonning kubik mustahkamligidan foydalanib bo‘lmaydi. SHuning uchun temirbeton konstruksiyalarning mustahkamligini hisoblashda betonning prizmatik qarshiligidan foydalaniladi.
Betonning siqilishga bo‘lgan asosiy mustahkamligi xarakteristikasi bu prizmatik mustahkamligidir. Beton prizmatik mustahkamligi R_b bilan belgilanadi.
Asosan tomonlari a va balandligi h bo‘lgan beton prizmalardagi tajribalar shuni ko‘rsatadiki betonning prizma mustahkamligi kub mustahkamligidan kam va u h/a o‘sgan sari kamayib boradi. 1.5-rasmda ko‘rsatilganidek, R_b/R ning h/a munosabati tajriba natijalarining o‘rtachasi olingan. Ishqalanish kuchining tasiri prizma qirralarining uning balandligi ortgani sari kamayib boradi va h/a=4 bo‘lganda R_b deyarli o‘zgarmas holatga keladi va tahminan 0.75 R ga tenglashadi.

5. 
   –rasm. betonning priz- matik mustahkamliligini aniqlashga doir:
   

a –namunani sinash sxemasi; b – Rb / R va h / a nisbatlar orasidagi bog‘lanish

Betonning prizmatik va kubik qarshiligi o‘rtasida to‘g‘ri proporsional bog‘lanish mavjud. Bu bog‘lanish quyidagi imperik formula orqali ifodalanadi.

R_b=(0.77-0.001*R)*R (1.3)
Haqiqatda tajribada olingan natijalar (1.3) formuladan aniqlanadigan betonning prizmatik qarshiligiga nisbatan bir muncha yuqori bo‘lib, og‘ir va engil betonlar uchun 0.78 R dan (betonning sinfi yuqori bo‘lganda) 0.83 R gacha (betonning sinfi past bo‘lganda) o‘zgaradi.g‘ovak betonlar uchun esa mos ravishda 0.87 R dan 0.94 R gacha o‘zgaradi.
Betonning prizmatik qarshiligi R_b siqilish, egilish, buralish, qiyshiq egilish va qiyshiq nomarkaziy siqilishga ishlaydigan temirbeton konstruksiyalarni xisoblash uchun qo‘llaniladi.

6.