Ишланма мавзу: Ўқувчи ёшларнинг ижтимоий –психологик муоммоларини бартараф этишда ижобий психологиянинг “перма бахт модели”

Асосий қисм.

“Булоқ” машқи
Машқнинг мақсади : салбий қувватдан тозалаш ва ижобий энергияни
олиш.
Кўрсатма худди ўшандек. Гранитли қоядан силқиб чиқаётган булоқни
тасаввур қилинг. Сиз унинг тоза суви қуёш нурида товланишини кўряпсиз,
атрофдаги жимликда унинг шоввулашини эшитяпсиз. Сиз ўзгача, бошқа
жойлардан озода, одатдагидан ёрқин бу жойнинг ҳиссини ўзингизга
сингдиряпсиз. Бу сувни ичишга ҳаракат қилинг ва сизга ижобий қувват кириб келаётганини ҳис қилинг. Энди булоқ остида туринг ва сув сизнинг устингизга қуйилсин. У сизнинг барча ҳужайраларингиз орқали
оқаётганлигини тасаввур қилинг. Тасаввур қилинг-ки, сув Сизда тўпланиб келган барча муаммолар, умидсизланиш, хафагарчилик, ташвиш, турли фикрларни ювиб кетмоқда. Аста – секинлик билан Сиз бу булоқнинг тозалиги сизнинг тозалигингиз, қуввати эса Сизнинг қувватингиз бўлаётганлигини сеза бошлайсиз.

3. 
   Психокоррекцион машқ
   

«Қўл бармоқлари» учун машқи
Энди, машқни қўл бармоқлари орқали бажарамиз. Даставвал, сиздан бир
вақтнинг ўзида икала қўл бармоқларингизни мумкин қадар маҳкам
қисишингизни сўрайман...
Тайёрмисизлар?! (ҳа, жавобидан сўнг) Бошладик: муштингизни қаттиқ
қисинг, қаттиқ, янада қаттиқроқ, яна ҳам мустаҳкамроқ... худи шундай ушлаб
туринг. Санайман: бир, икки, уч, тўрт, беш, олти, етти...
Энди, бир оз бўшашинг, илгариги меъёрдаги ҳолатга қайтинг...
Сезяпсиз: ёзишдан ниҳоятда чарчаган бармоқларингиз бир оз дам олгандек
бўлди. Ушбу ҳолатни яна бир бор такрорлаймиз: Тайёрмисизлар?! (ҳа,
жавобидан сўнг) бошладик: илгаригидек муштингизни қаттиқ қисишга
ҳаракат қилинг, қаттиқроқ, янада қаттиқроқ... Энди бўшашинг... меъёрдаги
ҳолатга қайтинг, қўл мускулларингиз дам олиши учун қарама – қарши ҳаракат қилишга шайланинг. Яъни, бармоқларни очиб бир қўлингизни бошқасининг устига қўйишингиз лозим. Бошладик. (намуна сифатида кўрсатиб борилади).
Қўл панжаларингизни мумкин қадар кенгроқ ёзинг. Кенгроқ, яна ҳам кенгроқ, мумкин қадар кенгроқ... бир ҳолатда тутинг. Бўшашинг: асл ҳолатга қайтинг. Эътибор берган бўлсангиз бармоқларингизда иссиқлик, тафт, ва
мускулларнинг ўзгача бир ҳолати, ҳаракати намоён бўлди... Бўшашинг:
илгариги асл ҳолатга қайтинг, ҳеч нарсани эсламанг, ҳеч нарсани ўйламанг –
ўзингизни ниҳоятда эркин ҳис этишга ҳаракат қилинг.