«ishlab chiqarishda boshqaruv» fakulteti «iqtisodiyot» kafedrasi malakaviy amaliyot

3.Sanoat Qurilish banki faoliyatining asosiy ko’rsatkichlari va moliyaviy natijalari bilan tanishish.
2020 yilda O’zbekiston Respublikasi to’lov balansining holati bir qator ichki va tashqi omillar ta’sirida shakllandi.
2020 yilda to’lov balansi holatiga ta’sir qilgan ichki omillar 2019 yildagi kabi hududlarni rivojlantirish bo’yicha davlat dasturlarini jadal tarzda amalga oshirishga doir iqtisodiyotni kreditlash hajmining oshishi, tashqi qarz va xorijiy investitsiyalar hajmining ortishi bilan bog‘liq bo’ldi.
Xomashyo tovarlari narxlarining ijobiy dinamikasi, shuningdek, pul o’tkazmalari bo’yicha tushumlarning ko’payishi tashqi omillardan bo’ldi.
Yuqorida keltirilgan omillarning ta’siri ostida to’lov balansining joriy hisobi 3,2 mlrd. AQSh dollariga teng defitsitni ko’rsatdi. Bunda savdo balansi va xalqaro xizmatlarning manfiy saldosi (9,6 mlrd. doll.) birlamchi va ikkilamchi daromadlarning musbat saldosi (6,3 mlrd. doll.) bilan qisman qoplandi.
Shu bilan birga, moliyaviy hisobning manfiy saldosi rezidentlar moliyaviy majburiyatlarining ko’payishi (9,6 mlrd. doll.), shuningdek, rezidentlar tomonidan moliyaviy aktivlarning sotib olinishi (3,1 mlrd. doll.) natijasida 6,5 mlrd. dollarni tashkil qildi.
O’zbekiston Respublikasining sof investitsion pozitsiyasi 2020 yilning 1 yanvarida 12,3 mlrd. dollarni tashkil qildi. Bunda boshqa mamlakatlarga nisbatan davlat boshqaruvi“sof kreditor”, bank sektori va boshqa sektorlar mos ravishda “sof qarzdor” va “sof kreditor”hisoblanadi.
O’zbekiston Respublikasining yalpi tashqi qarzi 2020 yilning 1 yanvarida 24,4 mlrd. dollarni tashkil qilib, undan 15,8 mlrd. dollari davlat sektorining qarzlari, 8,6 mlrd. dollari xususiy tashqi qarzdir.
Yuqorida ta’kidlangan ko’rsatkichlarning o’zgarishi bo’yicha to’liq ma’lumotlar, shuningdek, ularning o’tgan yilning mos davridagi ko‘rsatkichlarga nisbatan o‘zgarishlarining tahlili O‘zbekiston Respublikasining 2019 yil uchun to‘lov balansi, xalqaro investitsion pozitsiyasi va tashqi qarzi bo‘yicha nashrida keltiriladi.
“O’zsanoatqurilishbank” ATB O’zbеkiston Rеspublikasidagi eng boy tarixga ega moliya muassasalaridan biri sanaladi. Uning tarixi Toshkеntda Sanoatbankning O’rta Osiyo idorasi ochilgan vaqtdan, ya'ni 1922 yildan boshlanadi.
Bankning asosiy yirik aktsionеrlari: O’zbеkiston Rеspublikasi Moliya Vazirligi, O’zbеkiston Rеspublikasi Tiklanish va taraqqiyot jamg’armasi hamda iqtisodiyotning bazaviy tarmoqlari korxonalari.
“O’zsanoatqurilishbank” ATB boshqa aktsionеrlari sirasiga quyidagilar kiradi: “O’ztransgaz” AK, Buxoro nеftni qayta ishlash zavodi, Farg’ona nеftni qayta ishlash zavodi, “Toshkеnt issiqlik elеktr stantsiyasi” UK, “Absolute Investments Trust” MChJ, “Talimarjon IES” UK, “O’zbеkenеrgo” DAK, “Asset Invest Trust” MChJ, “O’zbеkiston Tеmir Yo’llari” DATK, “Sho’rtan gaz kimyo majmuasi” UShK.
Bank hisobvaraqlarini ochish va yuritish, to’lovlarni amalga oshirish, omonatlarga (depozitlarga) pul mablag‘larini jalb etish, o’z nomidan kreditlar berish bo’yicha bank faoliyati sifatida aniqlangan operatsiyalar majmuini amalga oshiruvchi tijorat tashkiloti bo’lgan yuridik shaxs bank deb yuritiladi.
Banklar bank faoliyatini amalga oshirish huquqini beruvchi litsenziyada ko’rsatilgan moliyaviy operatsiyalarni amalga oshirishga haqlidirlar.
Bank faoliyatining predmeti bo’lib, pul mablag‘lari, valyuta qimmatliklari va boshqa moliyaviy instrumentlar hisoblanadi.
Pul funktsiyalarining bank xizmatlari ko’rinishida maksimal darajada samarali amalga oshirilishi bank faoliyatining predmeti bo’lib xizmat qiladi.
Bank foyda olishni asosiy maksad kilib olgan tijorat tashkiloti bulib, bank operatsiyalarini amalga oshirishga doir qarorlar qabul qilishda mustaqildir. Bank universal bank bo’lib, O’zbekiston Respublikasining yagona bank tizimiga kiradi.
Biz insoniyat uchun ezguliklar yaratish, saqlash va oshirishga ko’maklashamiz.
Missiyamiz bankning O’zbekiston iqtisodiyotidagi muhim rolini va jamiyatdagi alohida ijtimoiy rolini - jamiyatda ishonch, dadillik va barqarorlikni qo’llab-quvvatlashga urg‘u beradi.
Bank missiyasi mijozlarimiz, ularning ehtiyojlari, istaklari va maqsadlari bizning tashkilot sifatidagi faoliyatimizning asosi ekanligini ko’rsatadi. 
Bizning missiya bularning bariga qanday erisha olishimizni ham ifodalaydi. Moliyaviy xizmatlar mijozlar uchun u qadar qiziqarli emasligini, ular mijozlarning muhim ehtiyoj va maqsadlarini amalga oshirish vositasi ekanligini tushungan holda faoliyat yuritamiz. Mijozlarimiz bizni aynan ushbu maqsadlarga erishishga ko’maklashishimiz uchun qadrlashlarini istaymiz.
Mamlakatning eng yaxshi moliyaviy kompaniyalaridan biri bo’lish bank missiyasida o’z aksini topgan. Bank missiyasi, shuningdek, O’zsanoatqurilishbank uchun uning xodimlari naqadar muhim ekanligi hamda xodimlarning shaxsiy va kasbiy maqsadlarini amalga oshirmasdan turib bank maqsadlariga erishish qanchalik imkonsiz ekanligiga urg‘u beradi.
Buyuk maqsadlarga umumiy qadriyatlar ostida birlashgan maslakdoshlar jamoasi orqali erishiladi. Qadriyatlarimiz muayyan qoidalar, mezonlar va talablardan tashkil topgan holda, jamoamiz a’zosi yoki a’zo bo’lmoqchi bo’lgan har bir shaxs uchun amal qiladi. Qadriyatlarimiz tamoyillar majmuasi bo’lib, bank rahbariyati tomonidan maqsadlarni qo’yish va ularga erishish natijalarini aniqlashda asos hisoblanadi. Xodimlar o’rtasida o’zaro munosabatlarning yuzaga kelishi va qo’llab quvvatlanishi, bank ichida boshqaruv tizimi shakllantiriligi, shuningdek bankning mijozlar, jamiyat, aktsionerlar va investorlar bilan o’zaro munosabatlari qadriyatlar asosida amalga oshiriladi.