«ishlab chiqarishda boshqaruv» fakulteti «iqtisodiyot» kafedrasi malakaviy amaliyot

1. Bank boshqaruv organlari:

Aksiyadorlar umumiy yig`ilishi – Bank oliy boshqaruv organi.

Bank Kengashi - Bank faoliyatiga umumiy rahbarlikni amalga oshiradi, qonunchilik va Bank Ustavi bilan aksiyadorlarning umumiy yig’ilishi vakolatlariga kiritilgan masalalarni hal qilish - bundan istisno. Bank Kengashi huzurida quyidagi ikkita qo`mita faoliyat yuritadi:

• 
  Auditorlik qo’mitasi. Audit bo’yicha qo’mitaning vazifalari: mustaqil auditorlar nomzodlarini Bank Kengashi tomonidan ko’rib chiqilishi uchun taqdim etish; mustaqil auditorlar bilan aloqada turuvchi shaxs sifatida xizmat qilish auditorlik tekshiruvlarining hisobotlarini olish va ko’rib chiqish; Bank Kengashi oldida auditorlardan olingan ma’lumotlar bo’yicha hisobot berish.
  
• 
  Xatarlar nazorati qo’mitasi. Bank xatarlarini nazorati bo’yicha qo’mitaning vazifasi Bankning moliyaviy ahvoliga xatarlarning, ya’ni Bank faoliyatida yuzaga keladigan kredit, valyuta, foizlar, operatsion va boshqa xatarlarning ta’sirini kuzatish, Bank tomonidan ushbu xatarlarni bartaraf etish bo’yicha choralar ko’rish va hisobga olishdan iborat.
  

Bank boshqaruvi – Bankning joriy faoliyatiga rahbarlikni amalga oshiradi.  Aksiyadorlarning umumiy yig’ilishi va Bank Kengashi vakolatlariga kiritilgan masalalar bo`yicha qaror qabul qilish huquqiga ega emas.