«ishlab chiqarishda boshqaruv» fakulteti «iqtisodiyot» kafedrasi malakaviy amaliyot

“AHOLINING UY-JOY SHAROITINI YAXSHILASH HAMDA IPOTEKA

KREDITI BOZORINI YANADA KENGAYTIRISHGA OID QO‘SHIMCHA

CHORA-TADBIRLAR TO‘G‘RISIDA”

Koronavirus infeksiyasi tarqalishiga qarshi kurashish davrida aholining uyjoy sharoitini yaxshilash, ipoteka krediti bozorini yanada rivojlantirish xususiy pudrat tashkilotlarini uy-joylar qurilishiga keng jalb qilish hamda ularga qulay shartsharoitlar yaratish maqsadida: O‘zbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qo‘shimcha chora-tadbirlar to‘g‘risida”gi PF-5886-son Farmoniga (keyingi o‘rinlarda — Farmon) muvofiq: bozor tamoyillariga asoslangan ipoteka kreditlari orqali aholini uy-joy bilan ta’minlashning yangi tartibi (keyingi o‘rinlarda — yangi tartib) joriy qilinganligi; xususiy pudrat tashkilotlari tomonidan o‘z mablag‘lari va tijorat banklarining kreditlari hisobiga qurilgan kvartiralarni birlamchi uy-joy bozorida sotib olish uchun ipoteka kreditlarini ajratishga ruxsat etilganligi ma’lumot uchun qabul qilinsin. 2020-yil 1-maydan boshlab 2022-yil 1-yanvarga qadar jismoniy shaxslarga xususiy pudrat tashkilotlari tomonidan tayyor holda topshirish shartisiz (pardoz ishlarini amalga oshirmasdan) qurilgan kvartiralarni birlamchi uy-joy bozorida sotib olish uchun ipoteka kreditlarini ajratishga ruxsat berilsin.