Ishlab chiqarish amaliyoti maqsadi va vazifalari

VII. Ishlab chiqarish amaliyoti natijalarini baholash tartibi va mezonlari

“Investitsion loyihalarni moliyalashtirish” ta’lim yo’nalishi talabalarining ishlab chiqarish amaliyotini tashkil etish jarayoni, hisobot himoyasi Oliy va o’rta maxsus ta’lim vazirligining “Oliy ta’lim muassasalarida talabalar bilimini nazorat qilish va baholashning reyting tizimi to’g’risidagi Nizom”i hamda “Oliy ta’lim muassasalari talabalarining malakaviy amaliyoti haqidagi Nizom” talablari asosida tashkil etiladi.

Talabalarning ishlab chiqarish amaliyoti hisobotining tayyorgarlik darajasi hamda himoya qilishini baholash tartibi va mezonlari 5 baholik tizim asosida quyidagicha baholanadi:

Baho	Talabaning bilimiga qo’yilgan talablarning asoslanishi
5 (a’lo)	talaba dasturda belgilangan mavzular bo’yicha mustaqil xulosa va qaror qabul qiladi, ijodiy fikrlay oladi, mustaqil mushohada yuritadi, olgan bilimini amalda qo’llay oladi, mavzularning mohiyatini tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
4 (yaxshi)	talaba dasturda belgilangan mavzular bo’yicha mustaqil mushohada yuritadi, olgan bilimini amalda qo’llay oladi, mavzularning mohiyatni tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
3 (qoniqarli)	talaba dasturda belgilangan mavzular bo’yicha olgan bilimini amalda qo’llay oladi, mavzularning mohiyatni tushunadi, biladi, ifodalay oladi, aytib beradi hamda mavzu masalalari bo’yicha tasavvurga ega deb topilganda;
2 (qoniqarsiz)	talaba dasturda belgilangan mavzularni o’zlashtirmagan, mohiyatini tushunmaydi hamda mavzu masalalari bo’yicha tasavvurga ega emas deb topilganda.

Amaliyot natijasi bahosi talabaning kursdan-kursga o’tishi va stipendiya belgilashda hisobga olinadi.

Amaliyot yakuni kafedra yig’ilishi va amaliyot obyektining ishlab chiqarish kengashida muhokama qilinadi.
Institut va fakultet Kengashida amaliyotning natijalariga yakun yasaladi.
Ishlab chiqarish amaliyoti himoyasiga qo’yilgan saralash bahosi (“2”) bo’lsa, talabaning o’zlashtirish ko’rsatkichi “qoniqarsiz”(akademik qarzdor) deb hisoblanadi.
Talabaning amaliyot obyektiga umuman bormaganligi yoki hisoboti talabga mutlaqo javob bermasligi hamda tanishuvishlab chiqarish amaliyoti bilan bog’liq amaliy ko’nikmalarga ega bo’lmasligi ishlab chiqarish amaliyoti hisoboti bo’yicha “qoniqarsiz”baholanishiga sabab bo’ladi.
Akademik qarzdor talabaga hisobotni qayta topshirishi (himoya qilishi) uchun bir oy muhlat beriladi. Shu muddat davomida ham amaliyot hisobotini himoya qila olmagan (“2” baho olgan) talaba fakultet dekani tavsiyasiga ko’ra belgilangan tartibda rektorning buyrug’i bilan talabalar safidan chetlashtiriladi.
Ishlab chiqarish amaliyoti hisoboti himoyasining baholanishidan norozi talabalar natijalar e’lon qilingan kundan boshlab 1 kun davomida fakultet dekanatiga yozma ariza bilan murojaat etishlari mumkin. Bunday hollarda kafedra mudirining taqdimnomasiga ko’ra fakultet farmoyishi bilan 3 (uch) a’zodan kam bo’lmagan tarkibda appelyatsiya komissiyasi tuziladi. Ushbu komissiya ishtirokida ishlab chiqarish amaliyoti hisoboti himoyasi qayta tashkil etiladi.
Talabalarning ishlab chiqarish amaliyoti hisoboti himoyasi natijalaridan olgan ballari himoya yakunida reyting qaydnomasi va daftarchasiga qayd etiladi.
Ishlab chiqarish amaliyoti hisoboti o’rnatilgan tartibda kafedrada saqlanadi.
Ishlab chiqarish amaliyoti hisobotini himoya qilmagan talaba o’rnatilgan tartibga muvofiq kursdan kursga o’tkazilmaydi.