«ишлаб чиқариш инфратузилмаси» фанидан маърузалар матни

3.Ишлаб чиқариш инфратузилмаларини ривожлантириш механизмлари ва воситалари.


4.Ишлаб чиқариш инфратузилмаси объектлари ва субъектлари.
Ҳар қандай ишлаб чиқариш инфратузилмаси асосини бошқариладиган объект ва бошқарувчи суъбектлардан ташкил топади.
Бошқариладиган ва бошқарувчи тизимлар ўртасидаги алоқа ишлаб чиқариш корхоналари билан инфратузилманинг ўзаро муносабатларидан ташкил топади.
Ишлаб чиқариш инфратузилмасини бошқариш 2 турда амалга оширилади:

• 
  Объектларни бошқариш орқали;
  
• 
  Субъектларни бошқариш оқали.
  

Ишлаб чиқариш инфратузилма объектларига темир йўл линиялари, автомобиль йўллари, вокзаллар, кўприк ва тонеллар, электр узатиш линиялари, ичимлик суви тармоқлари, телекоммуникация тармоқлари, телекоммуникация иншоотлари, логистика марказлари, суғурта компаниялари, фонд биржалари, тижорат банклари, лизинг компаниялари, касаба уюшмаларини мисол келтиришимиз мумкин.
Ишлаб чиқариш инфратузилма субъектлари (бошқарувчилар)га “Ўзбекистон ҳаво йўллари“ МАК, “Ўзкоммунхизмат” агентлиги, “Ўзбекэнерго” ДАК, “Узавтойўл“ ДАК, “Ўзтрансгаз” АК; “Ўзнефтмаҳсулот” АК, Алоқа, ахборотлаштириш ва телекоммуникация технологиялари давлат қўмитаси ва бошқаларни киритишимиз мумкин.


5.Ишлаб чиқариш инфратузилмаси кўринишлари.
Шу нуқтаи-назардан ҳам, ишлаб чиқариш инфратузилма мажмуасини, унинг турлари ва шаклларини муҳим белгилари ҳамда хусусиятларини таснифлаш, алоҳида унсур ва йўналишларини ўрганиш ишлаб чиқариш жараёнини ривожланишига имконият яратади.
Шунга кўра, илмий манбаларда бозор иқтисодиёти шароитида ишлаб чиқариш инфратузилмасининг асосий йўналишлари сифатида қуйидагиларни кўрсатиб ўтилади:

• 
  транспорт;
  
• 
  алоқа ва коммуникация;
  
• 
  ёқилғи-энергетика;
  
• 
  молиявий инфратузилма;
  
• 
  коммунал хизмат кўрсатиш инфратузилмаси.