«ишлаб чиқариш инфратузилмаси» фанидан маърузалар матни

Умумий фойдаланишдаги телекоммуникациялар тармоқлари - телекоммуникация хизматлари кўрсатишнинг ягона принциплари, уларни тақдим этиш ва ҳақ тўлашнинг тартиби асосида Ўзбекистон Республикаси ҳудудидаги барча юридик ва жисмоний шахсларга телекоммуникация хизматларини кўрсатиш учун мўлжалланган телекоммуникациялар тармоқлари.
Идоравий телекоммуникациялар тармоқлари - юридик ва жисмоний шахсларнинг ишлаб чиқариш ва махсус эҳтиёжлари учун мўлжалланган, уларнинг ихтиёрида бўлган ва улар томонидан фойдаланиладиган телекоммуникациялар тармоқлари.
Ажратилган телекоммуникациялар тармоқлари - фойдаланувчиларнинг муайян доирасига хизматлар кўрсатиш учун юридик ва жисмоний шахсларнинг тижорат мақсадларида яратган телекоммуникация тармоқлари.


3.Алоқа ва коммуникация инфратузилмасини тартибга солишнинг ҳуқуқий асослари.
1. “Алоқа тўғрисида”ги қонун (1992 йил 13 январь) - алоқа тармоқларини ташкил қилишнинг умумий ҳуқуқий, иқтисодий асосларини, алоқа шохобчаларини барпо этиш ва улардан фойдаланишда, алоқа хизмати кўрсатишда мулкчилик шаклидан қатъи назар корхоналар, муассасалар, ташкилотларнинг ва фуқароларнинг алоқа воситаларига эгалик қилиш, улардан фойдаланиш, уларни тасарруф этиш ва бошқариш соҳасидаги ҳуқуқлари ва вазифаларини белгилайди.
2. “Почта алоқаси тўғрисида”ги қонун (2000 йил 31 август) - почта алоқасини ташкил этиш, унинг фаолияти ва ривожланиши соҳасидаги ижтимоий муносабатларни тартибга солишни белгилайди.
3. “Телекоммуникациялар тўғрисида”ги қонун (1999 йил 20 август) - телекоммуникацияларни яратиш, ишлатиш ва ривожлантириш соҳасидаги ижтимоий муносабатларни тартибга солишни белгилайди.
4. “Ахборотлаштириш тўғрисида”ги қонун (2003 йил 11 декабрь) - ахборотлаштириш, ахборот ресурслари ва ахборот тизимларидан фойдаланиш соҳасидаги муносабатларни тартибга солишни белгилайди.
5. “Электрон рақамли имзо тўғрисида”ги қонун (2003 йил 11 декабрь) – электрон рақамли имзодан фойдаланиш соҳасидаги муносабатларни тартибга солишни белгилайди.
6. “Электрон ҳужжат алмашинуви тўғрисида”ги қонун (2004 йил 29 апрель).
7. “Электрон тижорат тўғрисида”ги қонун (2004 йил 29 апрель).
8. “Автоматлаштирилган банк тизимида ахборотни ҳимоя қилиш тўғрисида”ги қонун (2006 йил 4 апрель).