Ishdan maqsad

Kecha va konkurslar o‘quvchilar bilan ishlashda muhim ahamiyatga ega.

O‘quvchilarda har xil konkurslar qiziqish uig‘otadi. Informatika va axborot texnologiyalari bo‘yicha konkurs sifatida:

- “Nima?, Qaerda?, Qachon?”,

- “Kompyuter o‘yini musobaqasi” o‘yinlarini tashkil qilish zarur.

Hozirgi kunda qaysi sohani olmaylik, barchasida yangi zamonaviy axborot texnologiyalar asosida ish olib borilmoqda. SHu maqsadda umumiy o‘rta ta’lim maktablarida informatika fanining o‘qitilishi hozirgi kunda asosiy masalalardan biriga aylanib bormoqda.

Maktablarda informatika va axborot texnologiyalari fani o‘qitilishi o‘quvchilarning zamonaviy axborot texnologiyalari bilan yaqindan tanishib kompyuterlar bilan minimal darajada ishlashni o‘rganish va boshqa zamonaviy axborot texnologiyalari haqida tasavvurga ega bo‘lishlari kerak.

Sinfdan tashqari ishlar o‘tkazilganda nafaqat o‘quvchilar bilan balki ularni hozirgi kunda kompyuterlarning hayotimizdagi o‘rni zamonaviy axborot texnologiyalari haqida tasavvur va tushunchalarni kengaytirish, fikrlash madaniyatini tarbiyalash, kompyuter savodxonligini oshirish ko‘zda tutiladi.

Informatika va axborot texnologiyalari to‘garagi har bir maktabda tashkil etilishi zarur bo‘lgan tadbirlardan biridir. To‘garak mashg‘ulotlari o‘quvchilarni informatika va axborot texnologiyalari faniga qiziqishini oshirish bilan birga to‘garakda shu maktabda mavjud bo‘lgan kompyuter bilan uning imkoniyatlari va xalq ho‘jaligida foydalanish uchun mo‘ljallangan har xil dasturlar bilan yaqindan tanishadilar.

To‘garakka informatika faniga qiziquvchi o‘quvchilar qabul qilinadi. To‘garak a’zolari 10-12 tadan oshmasligi lozim. To‘garakka yuqori sinf o‘quvchilaridan ham, o‘rta sinf o‘quvchilaridan ham olish mumkin. To‘garak haftasiga 2 martadan darsdan keyin bir-ikki soat o‘tkazish mumkin.

Bu to‘garaklar o‘quvchilarning ijodiy qobiliyatlarini rivojlantirish, mantiqiy fikrlash qobiliyatini o‘stirish va informatikaning asosiy tushunchalarini chuqur o‘rganishni ta’minlaydi. O‘quvchilar dunyoqarashini ilg‘or zamonaviy dasturiy va amaliy vositalar yo‘nalishida shakllantiradi. Mustaqil fikrlash qobiliyatini oshiradi.

To‘garakning asosiy yo‘nalishi – o‘quvchilarni yangi kompyuter texnologiyasi bilan tanishtirish, ularga hozirgi paytda foydalanilayotgan zamonaviy dasturiy vositalar haqida ma’lumot berish, keng tarqalgan dasturlash tillaridan birida ishlashni o‘rganish.

To‘garak a’zolari bilan hamkorlikda tashkil qilingan o‘quvchilar bellashuvining tashkil qilinishi bo‘yicha qisqacha na’muna keltirib o‘tamiz.

Bellashuv ikki guruh orasida tashkil etiladi. Har bir guruhdan 6-8 ta o‘quvchi ishtirok etishi mumkin.

Tashkiliy qism: Saxna bezatish. Informatika o‘tkaziladigan sahna talabga javob bera oladigan qilib bezatilishi, ya’ni uning devorlariga to‘garak a’zolari tayorlagan turli xil kompyuter olamiga ta’luqli devoriy gazetalar(turli bosh qotirmalar, rebuslar, topishmoqlar bo‘lishi mumkin). Kecha uchun maxsus «Robotlar olamida» deb yoki «XXI – asr Informatika va axborot texnologiyalari asri» degan ko‘rgazma tashkil etilsa va bu ko‘rgazmada har xil kompyuter modellari robotlar umuman zamonaviy axborotlar texnologiyalari bilan modellari o‘quvchilar tomonidan yasalishi mumkin. YUqorida aytilganlarning hammasi kechalar o‘tkazishning birinchi qismiga doirdir.