Иш юритишда хужжатларни ўрни, ахамияти ва хужжат ҳАҚида

 
2.3. Фармойиш ва кўрсатмалар ҳақида тушунча 
Корхонада турли фармойиш ҳужжатларнитайёрлаш бир хил тартибда олиб борилади.
Фармойиш ҳужжатларининг тузиш ва расмийлаштириш жараёни корхонанинг ёки иш 
юритиш қоидасига ёки ҳужжатлар шаклининг табелида кўрсатилиши лозим. Фармойиш 
лойиҳасини тайёрлашда ҳужжатнинг ҳуқуқий асосини таъминловчи талабларга риоя этилади. 
Ҳужжатнинг лойиҳасини тайёрлаш ишлари бир ёки бир неча тизимларга ёки алоҳида шахсларга 
юкланади. Мураккаб ва йирик ҳужжатларнинг лойиҳасини ишлаб чиқариш жараёнларида ишчи 
гуруҳлари тузилиб, мутахасислар жалб қилинади.
Тайёрланаётган ҳужжатлар ҳажми қанча катта бўлса, унинг тайёрловчиларга шунчалик 
маъсулияти юқори қўйилади. 
Ҳужжатларни ишлаб чиқишда ҳуқуқий асос бўлиб, корхона раҳбари ва бошқарув 
органлари томонидан қўйилган талаблар, муассасаларга қўйилган масаларни амалга ошириш 
зарурияти, бажарувчи ва бошқарувчи фаолиятидир.
Фармойиш
- корхона раҳбари ҳамда бўлим раҳбарлари томонидан амалий масалалар 
юзасидан қабул қилинадиган ҳужжатдир. Фармойишларда бажариш муддати чекланган бўлиб, 
унинг вазифаси бўлим ёки айрим мансабдор шахслар, фуқароларга тааллуқли бўлади. 
Фармойишнинг матни худди буйруқники сингари зарурий қисмлардан ташкил топади. Фақат 
унинг кириш қисмида “БУЮРАМАН” сўзи ўрнига “ТАВСИЯ ҚИЛАМАН”, “РУХСАТ 
БЕРАМАН” каби сўзлар ишлатилади.
 
Корхоналарда кўрсатма
– хабар, сифат методик тусдаги масалалар шунингдек 
буйруқлар, йўриқномалар ва бошқа ҳужжатларнинг ижроси билан боғлиқ бўлган ташкилий 
масалалар юзасидан чиқариладиган ҳуқуқий ҳужжатдир. Кўрсатмага биринчи бўлиб раҳбар бош 
муҳандис уларнинг ўринбосарлари имзо чекиш ҳуқуқига эга. Кўрсатма корхонанинг хос иш 
қоғозига босилади. У ҳам буйруқ каби, одатда, сарлавҳа билан ёзилади, асос ва фармойиш 
қисмларидан таркиб топади. Асос қисмида, фалон “мақсадда”, фалон “буйруқдан бажариш учун” 
каби таомилга кирган иборалар қўлланилади ва “ЮКЛАЙМАН”, “ТАВСИЯ ЭТАМАН” сўзлари 
билан фармойиш қисми бошланади. Муайян ходимга унинг хизмат лавозими вазифаларига 
кирмайдиган ишлар юклатилса “ТАВСИЯ ЭТАМАН” сўзи қўлланади. Кўрсатманинг фармойиш 
қисми буйруқнинг фармойиш қисмига ўхшаш бўлади.