Ish haqidan ushlab qolinadigan ajratmalar va to’lovlar

4. Qisqa muddatli tekshirishlar o’tkazishda davlat soliq xizmati organi xodimlarining vazifalari

Savdo, pulli va boshqa xizmatlar ko’rsatuvchi xo’jalik yurituvchi sub’ektlarda qisqa muddatli tekshirish o’tkazish jarayonidagi davlat soliq organlarining asosiy vazifalar quyidagilardan iborat: 1 Тekshirilayotgan xo’jalik yurituvchi sub’ektlar tomonidan «Iste’molchilar huquqini himoya qilish» to’g’risidagi O’zbekiston Respublikasi Qonunini, savdo, pulli va boshqa xizmatlar ko’rsatishga taalluqli bo’lgan O’zbekiston Respublikasi Prezidentining Farmonlari, Qarorlari, Vazirlar Mahkamasining qarorlari va boshqa qonun xujjatlarida belgilangan qoidalarga rioya etilishini nazorat qilish; 2 Тekshirilayotgan xo’jalik yurituvchi sub’ektda ayrim turdagi tovarlar bilan savdo qilish va xizmatlar ko’rsatish uchun berilgan ruxsat guvohnoma (litsenziya)larining mavjudligini va ularning amal qilish muddatlarini nazorat qilish; 3 Хaridor (buyurtmachi) bilan naqd pulda o’zaro hisob-kitob qilishda belgilangan tartibda nazorat-kassa mashinalaridan foydalanilishini, kvitansiya, chipta va ularga tenglashtirilgan boshqa to’lov hujjatlarini berilishini, plastik kartochkalar orqali to’lovlarni qabul qilinishini hamda xo’jalik yurituvchi sub’ektning bank hisob raqamidagi pul aylanmalari tahlilida aniqlangan holatlarni tekshirish. 4 Spirtli ichimliklar va tamaki mahsulotlarini aksiz markalari bilan markalanganligini tanlov asosida ko’zdan kechirish; 5 Sotilayotgan mahsulotlarni kirim va sifatini tasdiqlovchi hujjatlar mavjudligini, tovarlarning iste’molga yaroqlilik muddatlarini tanlov asosida ko’zdan kechirish; 6 Savdo va xizmat ko’rsatish hamda kassa operatsiyalarini yuritish qoidalariga rioya qilinishini tekshirish; 7 Ayrim turdagi tovarlarni belgilangan narxlardan qimmat bahoda sotish holatlari mavjudligini tekshirish; 8 Тosh, tarozi va boshqa o’lchash priborlaridan belgilangan tartibda foydalanilishini o’rganish; 9 Video va audio yozuvli mahsulotlarni belgilangan tartibda sotilishi, ijaraga berilishini tekshirish; 10 Yonilg’i-moylash materiallarini saqlash va sotish qoidalariga rioya qilinishini tekshirish; 11 Oziq-ovqat, nooziq ovqat tovarlarni, shu jumladan alkogolli ichimliklarni belgilangan tartibda sotilishini tekshirish; 12 Maishiy va tibbiy xizmat ko’rsatish qoidalariga rioya etilishini tekshirish.