Isa 700, the independent auditor’s report on general purpose financial statements

Аудитни режалаштириш ва ўтказишда кўриб чиқиладиган масалалар

9. АХС 200 аудитор Аудитнинг Халқаро Стандартларининг аудит учун ўринли бўлган барча талабларини бажаришини талаб қилади.⁴ Махсус мақсадли молиявий ҳисоботлар аудитини режалаштириш ва ўтказишда аудитор АХСни қўллаш келишув шартларида махсус кўриб чиқишни талаб этиши ёки талаб этмаслигини аниқлаши лозим. (А9-А12 бандларига қаранг)
10. АХС 315 аудитор тадбиркорлик субъекти танлаган ва қўллаётган ҳисоб сиёсати ҳақида тасаввур ҳосил қилишини талаб этади.⁵ Шартнома қоидаларига мувофиқ тайёрланган молиявий ҳисоботлар билан боғлиқ ҳолда аудитор тадбиркорлик субъекти раҳбарияти мазкур молиявий ҳисоботларни тайёрлашда қабул қилган шартноманинг ҳар қандай аҳамиятли талқинлари ҳақида тасаввур ҳосил қилиши лозим. Талқин, агар бошқа асосли талқиннинг қабул қилиниши молиявий ҳисоботларда тақдим этилган маълумотларда муҳим фарқлар пайдо бўлишига олиб келиши мумкин бўлса, аҳамиятли деб ҳисобланади.

Аудитор фикр ҳосил қилиши ва ҳисобот (хулоса) тақдим этишда кўриб чиқиладиган масалалар

11. Махсус мақсадли молиявий ҳисоботлар бўйича аудитор фикр ҳосил қилиши ва аудиторлик ҳисоботи (хулосаси)ни тақдим этишда аудитор АХС 700 талабларини қўллаши лозим.⁶ (А13 бандига қаранг)

Молиявий ҳисоботларни тақдим этиш учун қўлланиладиган асосни тавсифлаш

12. АХС 700 аудитор молиявий ҳисоботларда молиявий ҳисоботларни тақдим этиш учун қўлланиладиган асосга ҳавола ёки унинг тавсифи бор-йўқлигини баҳолашини талаб қилади.⁷ Шартнома қоидаларига мувофиқ тайёрланган молиявий ҳисоботлар билан боғлиқ ҳолда, аудитор молиявий ҳисоботларда улар учун асос бўлган шартноманинг ҳар қандай аҳамиятли талқинлари тўғри тавсифланганини аниқлаши лозим.
13. АХС 700 да аудиторлик ҳисоботи (хулосаси)нинг шакли ва мазмуни кўриб чиқилади. Махсус мақсадли молиявий ҳисоботлар бўйича аудиторлик ҳисоботи (хулосаси) билан боғлиқ ҳолда:
(a) Аудиторлик ҳисоботи (хулосаси)да молиявий ҳисоботларни тайёрлаш мақсади ва, зарур ҳолда, назарда тутилаётган фойдаланувчилар ҳам тавсифланиши ёки махсус мақсадли молиявий ҳисоботларга киритилган, мазкур маълумотлар ифодаланган изоҳга ҳавола этилиши лозим; ва
(б) Агар тадбиркорлик субъекти раҳбарияти молиявий ҳисоботларни тайёрлашда мазкур молиявий ҳисоботларни тақдим этиш асосини танлаши мумкин бўлса, молиявий ҳисоботларга нисбатан тадбиркорлик субъекти раҳбарияти⁸ жавобгарлигининг тавсифида ҳам унинг молиявий ҳисоботларни тақдим этиш учун қўлланиладиган асоси мазкур вазиятда мақбул ҳисобланишини аниқлаш мажбуриятига ҳавола этилиши лозим.