Iroliz jarayoni natijasida etilen olishning termodinamik kattaliklarini optimallash

Ilmiy yangiliklari. Neft va tabiiy gaz tarkibidagi etan gazini piroliz qilib, etilen gazini olish hozirgi polimer sanoati uchun eng asosiy muammolardan biri hisoblanadi. Shu sababdan etan gazini piroliz jarayoni texnologik parametrlarini o‘rganish orqali eng qulay temperatura 870-920 ⁰С oralig‘ida ekanligi aniqlandi.
Olingan natijalardan kelib chiqqan holda, etanning piroliz jarayoni uchun eng maqbul termodinamik kattaliklar ishlab chiqildi. Etanning piroliz jarayoni 870-920 ⁰С temperaturada 0,01-0,1 s vaqt oralig‘ida 5 at bosimda etilenning hosil bo‘lish unumi yuqori ekanligi aniqlandi.
Amaliy ahamiyati. Polietilen ishlab chiqarish jarayonida asosiy xomashyo hisoblangan etilen gazini olish va tozalash asosiy muammolardan hisoblanadi. Hozirgi polimerlar asrida, polietilen asosida halq xo‘jaligi uchun kerakli maxsulot ishlab chiqish juda katta amaliy ahamiyatga ega hisoblanadi. Qishloq xo‘jaligining paxtachilik sohasida plyonka ostiga paxta ekish orqali, hosil ko‘p olinmoqda. Bu esa etilen monomeriga bo‘lgan talabni oshib ketishiga sabab bo‘lmoqda.
Bitiruv malakaviy ishning hajmi va tuzilishi: Bitiruv malakaviy ishning an’anaga ko‘ra kirish, ilmiy adabiyotlar tahlili (1—bob), olingan natijalarning umumlashtirilgan muhokamasi (2 —bob), tajribaviy qismi (3 —bob), xulosa, foydalanilgan adabiyotlar roʻyxatidan iborat.


I. BOB. ADABIYOTLAR SHARXI
Neft — bir emas, balki bir qancha kimyoviy birikmalar aralashmasidan iborat suyuqlik. Neft qizdirilganda uning holatini tavsiflovchi, nisbatan qiziq xususiyatlari (xossalari) namoyon bo‘ladi. Agar neft qaynash haroratiga qadar qizdirilsa va uni o‘z holatida saqlab turilsa, u butkul parlanib (bug‘lanib) ketmaydi.
Solishtirish uchun, masalan, suvni ko‘rib chiqaylik. Suv solingan idishi 100°С yoki 373°K gacha qizdirib, haroratni saqlab tursaq suv qaynay boshlaydi va asta-sekin bug‘lanadi. Nihoyat, isitiishi davom ettirsak u butunlay bug‘lanib ketadi.
Agar suv solingan idishda termometr bo‘lsa, siz oxirgi suv tomchilarining bug‘lanishdan oldin ham harorat 100°С atrofida saqlanib qolganini ko‘rasiz. Bunga sabab, Н₂₀ tarkibli kimyoviy birikma — suv aynan 100°С da qaynaydi. Tekislikdagi atmosfera bosimi ostida suvning qaynash harorati 100°С, undan kam ham, ko‘p ham emas.