Iroliz jarayoni natijasida etilen olishning termodinamik kattaliklarini optimallash

Mavzuning dolzarbligi. Piroliz jarayonida qo‘llanilayotgan gazni tayyorlash barcha qurilmalari va jihozlari kon mahsulotining boshlang‘ich tarkibiy va termodinamik sharoitlariga mo‘ljallangan bo‘lib, vaqt o‘tishi bilan ularning tavsifnomalari o‘zgarishi bilan qurilmalar ish jarayoni texnologik sharoitlari ham o‘zgaradi. Ayniqsa qatlam bosimi va haroratning o‘zgarishi, kon quduqlarining suvlanganlik darajasining oshib borishi va boshqa shu kabi omillar tayyorlanayotgan etan gazi sifatiga to‘g‘ridan to‘g‘ri ta’sir qiladi.
Hozirgi paytda bu muammolarning eng samarali yechimlari fizik-kimyoviy jarayonlarga asoslanib qo‘llanilayotgan kimyoviy texnologik usullarning to‘plangan nazariy va amaliy bilimlarga tayangan holda etan gazni tayyorlash, foydalanish tajribalarini hisobga olgan holda tadqiqot usullarini qo‘llashni taqazo qiladi.
Etan gazi tayyorlash sifatini oshirish masalalarini yechish uchun ishlatilayotgan kon sharoitlariga bog‘liq holda qo‘llanilayotgan gazni tayyorlash qurilmalarining ish rejimlarini o‘rganish, harakatdagi qurilmalarni rekonstruksiya qilish orqali zaruriy o‘zgarishlarni kiritish orqali sifat va samaradorlik ko‘rsatkichlariga erishish, kimyoviy-texnologik usullarni ishlab chiqarishga tadbiq qilish, texnologik jarayonlarning uzviyligini ta’minlash kabilar hozirgi kunning dolzarb muammolardan biri hisoblanadi.
Kon qatlam suvlari va muhit ta’siridagi sodir bo‘ladigan fazaviy o‘zgarishlari jarayonlarini talqin qilish asoslarida maqbul usullar va kimyoviy-texnologik jarayonlar rejimlarini tanlash, samarador kimyoviy-texnologik usullarni ishlab chiqish hozirgi asosiy muammolar hisoblanadi.
Ishning maqsadi. Etanni piroliz qurilmalarida barqarorlashtirish jarayonida, ajralib chiqayotgan etilen gazini toza holda ajratib olish va polimer ishlab chiqarishda xom-ashyo ba’zasini yaratishdan iborat. Polimerlar kimyo sanoati uchun etilen qimmatbaho xom ashyo hisoblanib, texnologik parametrlarni, termodinamik ko‘rsatkichlarining optimal kattaliklarini aniqlash, turg‘un holatda zaruriy standart ko‘rsatkichlar talabiga javob beradigan qilib tayyorlashda imkon beradi.