Iqtisodiyotni samarali boshqarish uning muhim subyekti bo`lgan banklar faoliyatini o`rganishni, ularning ishlash usullari, funksiya va operatsiyalarini bilishni taqozo qiladi

ATB “Agrobank” tomonidan ajratilgan kreditlar salmog`i^3 1-jadval T/r Yo`nalishlar Berilgan kreditlar miqdori (mln. So`m) 1 Barcha moliyalash manbalari hisobidan ajratilgan mikrokreditlar 430260 2 Xizmat ko`rsatish va servis sohasini rivojlantirishga 99877162015 3 Ayollar tadbirkorligini rivojlantirish uchun ajratilgan kreditlar 162015 4 Kasb-hunar kollejlari bittiruvchilariga o`z biznesini tashkil etish maqsadida ajratilgan kreditlar 32544 5 Oilaviy tadbirkorlik va hunarmandchilikni kengaytirish uchun ajratilgan kreditlar 29513 6 Yosh oilalarga ipoteka krediti 1996 7 Yosh oilalarga iste`mol krediti 103 01.01.2018 yil holatiga bankning asosiy moliyaviy ko'rsatkichlari dinamikasi (mlrd. so'mda)^4 1-rasm

Banklarda lizing operatsiyalari lizing beruvchi, lizingni oluvchi va vositalarni sotuvchilar o'rtasida tuzilgan shartnoma asosida amalga oshiriladi. Lizing oluvchi lizing shartnomasini tuzish uchun uning asosiy depozit hisobvarag'iga xizmat ko'rsatayotgan bankka quyidagi hujjatlarni taqdim etishi lozim: -lizing buyurtmasi; -lizing obyektining texnik-iqtisodiy ko'rsatkichlari va uning sotuvchisi to`g`risidagi ma'lumotnoma; -lizingning butun davrini ichiga olgan pul oqimi tahlili ko'rsatilgan biznes-reja; -oxirgi hisobot sanasiga tuman (shahar) davlat soliq inspeksiya tomonidan qabul qilingan buxgalterlik balansi (1-shakl) , moliyaviy natijalari haqida hisobot (2-shakl), muddati o`tgan debitorlik va kreditorlik qarzdorlik haqidagi ma'lumotnoma (2a-shakl), 90 kundan ortiq muddatdagi qarzdorlikni solishtirish dalolatnomalari. Lizing foiz stavkalari miqdori lizing oluvchi va lizing beruvchi bank o`rtasidagi o`zaro kelishuvga ko'ra lizing shartnomasida belgilanadi.

“Agrobank” ATB da lizing oluvchilar albatta shaxs maqomiga ega bo`lgan barqaror xo`jalik yurituvchi tadbirkorlik subyektlari bo`lishi kerak. Lizing obyekti bo`lib esa iste`mol qilinmaydigan har qanday ashyolar, shu jumladan korxonalar, mulkiy komplekslar, binolar, inshootlar, uskunalar, transport vositalari hamda boshqa ko`char va ko`chmas mulk bo`ladi. Lizing tamoyili ham albatta muddatlilik, maqsadlilik, ta`minlanganlik to`lovlilik va qaytarishlilik. Lizing shartnomasi muddati Soliq Kodeksining 144-moddasi 3-qismida belgilangan amortizatsiya muddatlarini hisobga olgan holda lizing obyekti xizmat muddatining 80 % dank kam bo`lmagan muddatga tuziladi. Foiz stavkasi bank va mijoz kelishuviga ko`ra amalga oshiriladi. Lizing xizmati quyidagi hollarda ko`rsatilmaydi: zarar bilan faoliyat yuritadigan hamda nolikvid balansga ega bo`lgan tadbirkorlik subyektlariga, salbiy kredit tarixiga ega bo`lganda, qimorxonalar va billiardxonalarni tashkil etishda lizing obyektini qo`llash ko`zda tutilgan hollarda lizing xizmatlarini ko`rsatishga yo`l qo`yilmaydi.
“Agrobank” ATB da faktoring operatsiyalari ham yaxshi yo`lga qo`yilgan bo`lib boshqa banklarga qaraganda ancha yuqori ko`rsatkichlarni ifodalagan. Faktoring olish uchun taqdim etiladigan hujjatlar sirasiga quyidagilar kiradi:

• 
  Biznes-reja;
  
• 
  So`nggi hisobot sanasiga, debitorlik va kreditorlik qarzdorlikni batafsil ochib ko`rsatilishi hamda muddati 60 kundan oshmagan qarzdorlikning solishtirish dalolatnomalarini ilova qilgan holda soliq organi tomonidan va mustaqil auditorlik kompaniyasi xulosasi bilan tasdiqlangan buxgalterlik balansi;
  
• 
  Foyda va zararlar haqida hisobot;
  
• 
  Pul oqimlari harakati to`g`risida hisobot;
  
• 
  Aylanma mablag`lar aylanish tezligining hisob-kitobi;
  
• 
  Boshqa kreditorlar qarz mablag`lari va boshqa banklarda saqlanayotgan bo`sh mablag`lar mavjudligi to`g`risidagi ma`lumotnoma;
  
• 
  O`z kapitali bilan boshqa korxonalarni barpo etishda ishtiroki to`g`risidagi ma`lumotlar.
  

Banklarda faktoring operatsiyalari ko'zda tutilmagan 90966- «Sotib olingan debitorlik qarzlari - Faktoring» hamda balansli 111 01- «Sotib olingan debitorlik qarzlari - Faktoring» va 11103- «Muddati o'tgan sotib olingan debitorlik qarzlari Faktoring» hisobvaraqlarida hisobga olib boriladi.