Iqtisodiyotni samarali boshqarish uning muhim subyekti bo`lgan banklar faoliyatini o`rganishni, ularning ishlash usullari, funksiya va operatsiyalarini bilishni taqozo qiladi

Asosiy moliyaviy ko’rsatkichlar. 01.01.2018 yil holatiga bankning asosiy ko'rsatkichlari⁵.
2-jadval

Kredit portfeli	3353 mlrd so`m
Depozitlar	1795 mlrd so`m
Daromadlar	1206 mlrd so`m
Aholi omonatlari	988 mlrd so`m
Mijozlar	3+ million

Yuqoridagi jadvaldan k`orinib turibdiki, kredit portfeli 2018-yil holatiga 3353 mlrd so`mni tashkil etgan, depozitlar 1795 mlrd bo’lgan bo’lsa, daromadlar va aholi omonatlari 1206 va 988 mlrd so`mni tashkil etgan va mijozlar umumiy qiymatda 3 mln kishidan ortganini ko`rish mumkin.

“Agrobank” ATB da Lizing beruvchi bank tomonidan lizing bo’yicha foizli daromadlar hisoblanganda quyidagi buxgalteriya o‘tkazmalari beriladi:
Dt 16323 Lizing bo’yicha olish uchun hisoblangan foizlar;
Kt 45100 Lizing (moliyaviy ijara) bo’yicha foizli daromadlar (tegishli mos hisobvaraq).
Lizing to‘lovlari kelib tushgan hollarda quyidagi buxgalteriya o‘tkazmalari beriladi:
Dt Kassadagi naqd pul va boshqa to‘lov hujjatlari yoki mijozning depozit yoki bankning vakillik hisobvarag‘i (umumiy summaga);
Kt 15600 Lizing (moliyaviy ijara) (tegishli mos hisobvaraq) (asosiy qarz summasining qaytarilgan summasiga);
Kt 16323 Lizing (moliyaviy ijara) bo’yicha olish uchun hisoblangan foizlar (foizli daromad summasiga).
Lizing shartnomasi muddati tugaganidan so‘ng lizing to‘lovlarini to‘lash shartlari to‘liq bajarilgan taqdirda 15600 Lizing (moliyaviy ijara) va 16323 Lizing bo‘yicha olish uchun hisoblangan foizlar hisobvaraqlari qoldig‘i nolga teng bo‘ladi.
Lizing oluvchi tomonidan lizing ob’ekti lizing shartnomasi muddati tugamasidan oldin sotib olingan hollarda ham ushbu hisobvaraqlardagi qoldiq nolga teng bo`ladi.
Lizing ob’ekti lizing oluvchi tomonidan lizing shartnomasi shartlari buzilganligi sababli qaytarib olinganida, lizing beruvchi ushbu aktivning taqdirini hal etgunga qadar uni o‘z balansiga quyidagi buxgalteriya o‘tkazmalari orqali qabul qiladi:
Dt 16705 Bankning boshqa ko’chmas mulklari;
Kt 15600 Lizing (moliyaviy ijara) (mos hisobvaraq).
Lizing Tijorat banklarida aktivlar sifatini tasniflash va aktivlar bo‘yicha ehtimoliy yo‘qotishlarni qoplash uchun zaxiralar shakllantirish hamda ulardan foydalanish tartibi to‘g‘risidagi nizom (ro‘yxat raqami 2696, 2015 yil 14 iyul) talablaridan kelib chiqqan holda tasniflanadi.