Iqtisodiyotni modernizatciyalash va diversifikatciyalash strategiyasi

2. Sudlarda o‘z vaqtida elektron tarzda axborot almashuvini ta’minlovchi korporativ aloqani joriy etish, sud faoliyatiga zamonaviy axborot-kommunikatsiya tizimini kiritish. So‘nggi yillarda fuqarolik va xo‘jalik sudlariga axborot tizimi orqali elektron shaklda murojaat qilish va xo‘jalik sudlari majlislarida videokonferensaloqa rejimida ishtirok etish imkoni yaratilgani quvonarli holat hisoblanadi. Lekin zamonaviy axborot-kommunikatsion texnologiyalarining shiddat bilan rivojlanayotgani hamda sudlarda ish hajmining yuqoriligi sudlar faoliyatiga zamonaviy axborot-kommunikatsiya tizimini yanda keng joriy etishni talab etmoqda. Bu holatda sudga murojaat kelib tushganidan toki hujjat bo‘yicha qaror qabul qilinib ijroga etib borguncha bo‘lgan barcha bosqichlarni avtomatlashtirish maqsadga muvofiqir. Bu esa sudlarda elektron tarzda axborot almashuvini ta’minlovchi korporativ aloqani joriy etish orqali amalga oshiriladi.
3. Sud qarorlarining axborot-huquqiy elektron bazasini yuritish, shaxsiy hayot daxlsizligini ta’minlagan holda va sud ishtirokchilarining roziligi bilan barcha sud qarorlarini chop etish tartibini joriy qilish (yopiq sud jarayonida ko‘rib chiqilgan ishlardan tashqari). Ushbu ishlar, tabiiyki, barcha sud qarorlarining elektron bazasi shakllanishiga, yillarda davomida uning to‘liq saqlanishiga, shaxsiy hayot daxlsizligini ta’minlagan holda va sud ishtirokchilarining roziligi bilan sud qarorlarining chop etilishi esa aholining sud qarorlari bilan tanishib borishida, ularning huquqiy ongi va madaniyatini yuksaltirishda, turli qonunbuzilish holatlarining oldini olishda, ayniqsa, juda katta ahamiyatga egadir.
O‘zbekiston Respublikasi Prezidentining 2017 yil 7 fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi
PF-4947-sonli Farmoni bilan tasdiqlangan “2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi” hamda O‘zbekiston Respublikasi Prezidentining 2017 yil
21 fevraldagi “O‘zbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari to‘g‘risida”gi PF‒4966-sonli Farmonida belgilangan vazifalar bo‘yicha kelgusida sudlar faoliyatiga zamonaviy axborot-kommunikatsiya texnologiyalarini joriy etish:

1. 
   sudlar faoliyatining ochiqligi va shaffofligini ta’minlaydi;
   
2. 
   sudlarda elektron hujjatlar aylanishini tezlashtiradi;
   
3. 
   sudlar faoliyati to‘g‘risidagi axborotlarni to‘plash, ishlash, tizimlashtirish va ularning saqlanishini ta’minlaydi;
   
4. 
   fuqarolar va tashkilotlarning elektron vositalar orqali sudga murojaat qilish imkoniyatini yaratib, ularga ortiqcha xarajatlar sarflashining oldini oladi;
   
5. 
   elektron vositalar orqali sud muhokamasi qatnashchilarini xabardor qilish va ularga sud hujjatlarini hamda boshqa xat-xabarlarni yuborish imkoniyatini yaratadi;
   
6. 
   sud ishi yurituvi bilan bog‘liq pochta xarajatlari va boshqa xarajatlarni qisqartiradi;
   
7. 
   sud ishi yurituvini elektron shaklda olib borish sud qarorlari va boshqa kerakli hujjatlarni darhol qabul qilish yoki uzatish imkonini beradi, shuningdek, sudlarda qog‘ozsiz hujjat aylanishini joriy etishga olib keladi.
   
8. 
   sud ishi yurituvida elektron arxivlash tizimini yo‘lga qo‘yish imkonini beradi.
   

Xulosa qilib aytganda, sudlar faoliyatiga zamonaviy axborot-kommunikatsiya texnologiyalarini joriy etish nafaqat sud organlari faoliyati samaradorligining oshishga, balki O‘zbekiston Respublikasi Konstitutsiyasida belgilangan odil sudlovning oshkoraligi va hamma uchun ochiqligi prinsiplarini hamda sud hokimiyati faoliyatining ochiqligini amalda ta’minlashga, fuqarolarning sudlar tomonidan qabul qilingan qarorlar haqidagi axborotlardan xabardor bo‘lib borishiga, ularning huquq va erkinliklari, qonuniy manfaatlari qisqa muddatlarda sudlar tomonidan himoya qilinishini ta’minlashga xizmat qiladi.