"iqtisodiyot va menejment "

kadrlar bilan ishlashning butun tizimini takomillashtirishga 
doir 
bir qator ishlarni, albatta, amalga oshirishimiz kerak”.
1
“Iqtisodiyot va menejment”ni fan sifatida kiritish hozirgi paytda katta iqtisodiy 
yutuqlar, innovatsion o`zgarishlar, inson mehnatiga umuman yangi bo`lgan 
yondashuvlar, ijodiy individullikning rivojlanishi bilan bog’liq. Ushbu 
yo`nalishlarning barchasini o`rganish mamlakatda ijtimoiy yo`naltirilgan, rivojlangan 
hamda samarali bozor iqtisodiyotini yaratishga ko`maklashadi. 
Bugungi jadal sur’atlar bilan rivojlanayotgan bozor munosabatlari sharoitida 
fanini o`rganish ehtiyoji kun sayin kengayib bormoqda. Zamonaviy muttaxassis kadr 
iqtisodiyot va menejmentning sir-asrorlarini mukammal o’zlashtirgan hamda keng 
qamrovli tashkilotchilik qobiliyatlariga ega bo’lishi davr talabidir. 
1
Mirziyoyev Sh.M. Erkin va farovon, demokratik O`zbekiston davlatini birgalikda barpo etamiz. O`zbekiston Respuplikasi 
Prezidenti lavozimiga kirishish tantanali marosimiga bag’ishlangan Oliy Majlis palatalarining qo`shma majlisidagi nutqi. Sh.M. 
Mirziyoyev – T.:O`zbekiston, 2016.

---

4 
Talabalarga mazkur fan xususiyatlari doirasida O`zbekiston Respublikasi 
Prezidenti S.M.Mirziyoyevning 2016 yilda mamlakatimizni ijtimoiy-iqtisodiy 
rivojlantirish yakunlari va 2017 yilga mo`ljallangan eng muhim ustuvor 
yo`nalishlarga bag’ishlangan O`zbekiston Respublikasi Vazirlar mahkamasining 
majlisidagi ma’ruzasida keltirilgan materiallar, qoidalar va xulosalarni puxta 
o`zlashtirishlari, kelgusi faoliyatda samarali foydalanishlari hamda ijodiy 
yondashishlarini ta`minlash fanni o`rganish oldida turgan asosiy vazifalardan biri 
hisoblanadi.
Iqtisodiyot va menejmentning nazariy va amaliy asoslarini chuqur bilish, iqtisodiy 
o’zgarishlarga moslashish, boshqaruvning sir-asrorlarini o`rganish, tijorat xavf-xatarini 
o`z vaqtida his qilish va kamaytirishga, uning har xil muqobil turlarini, variantlarining 
eng maqbulini tanlashga, bozorni yuqori sifatli tovar va xizmatlar bilan to`yintirish, 
doimiy talab mavjud bo`lgan sharoitda xaridorlarning turli guruhlari uchun sotish, 
narxini aniqlash va oqibatda ijtimoiy ishlab chiqarish samaradorligini oshirishga yordam 
beradi.
Ushbu o’quv-uslubiy majmua kirish, fanning nazariy materiallari, amaliy 
mashg’ulotlarning materiallari, mustaqil ta’lim uchun materiallar, glossariy hamda 
ilovalardan iborat.
Qo’llanmada keltirilgan materiallar o’zida o’quv mashg’ulotlarini o’tkazish 
shart-sharoitlari to’g’risidagi axborot materiallarini, pedagogik maqsad, vazifa, o’quv 
mashg’ulotlari rejasi, o’qitishning usul va vositalarini mujassamlashtirgan.
Bugungi kunda ta’lim jarayoniga o’qitishning yangi, zamonaviy usul va 
vositalaridan samarali foydalanish davr talabidir. Ta’lim tizimida innovatsion va 
pedagogik g’oyalar amalga oshirilmoqda. Bunda o’qituvchi bilim olishning yagona 
manbai bo’lib qolishi kerak emas, balki talaba mustaqil ishlash jarayonining 
ishtirokchisi, tashkolitchisi, o’quv jarayoninig menejeri bo’lishi lozim. Mazkur 
o’quv-uslubiy majmuani yaratish asosida aynan ana shu g’oyalar yotadi. 

---

5