Iqtisodiyot” kafedrasi “menejment” fanidan Oʻquv-uslubiy majmua

4.4.Tarqatma materiallar


DOʻSTINGIZNI DEPRESSIYADAN QUTQARISHGA YORDAM BERUVCHI USUL
Odamlar koʻpincha haqiqiy depressiya va qaygʻu hissini bir-biridan ajrata olishmaydi. 
Klinik depressiya - bu shunchaki sizning istagingiz bilan oʻtib ketmaydigan tibbiy buzilish, haqiqiy kasallik. U kamida ikki hafta davom etadi va hayotning barcha jabhalarida jiddiy halaqit beradi. Tadqiqotchilar ma’lumotiga koʻra, dunyoning taxminan 10 foiz aholisi depressiya bilan kurashadi. AdMe.ru depressiya holatida yordam beruvchi bir necha usullar haqida ma’lumot berdi.

1. Yordam topishga koʻmaklashing

Bemorga ehtiyotkorlik bilan professional yordam taklif qiling. Muayyan vazifalarni oʻz zimmangizga olganingiz yaxshi: shifokorlarning manzili va telefon raqamlarini toping, mutaxassisning huzuriga kirganda beriladigan savollar roʻyxatini tuzib oling va h.k. 

2. Ma’lumotlar bilan boʻlishing

Doʻstingizni oʻz holi uchun aybdorlik yoki uyat hissi qiynayotgan boʻlsa, unga depressiyaning astma yoki diabet kabi kasallik ekanini tushuntiring. Bu zaiflik yoki xulq-atvorga xos xislat emas, insonning oʻzidan-oʻzi sogʻayib qolishini kutish - singan qoʻlni oʻzi toʻgʻirlashdek gap.
Depressiya haqidagi ma’lumotlarni toping - u haqida qancha koʻp bilsangiz, doʻstingizning qay ahvoldaligini shuncha yaxshi tushunasiz va uni qoʻllab-quvvatlaysiz.


3. Depressiyani qaygʻu bilan adashtirmang

Depressiyaning qanday ahamiyatga ega ekanligini tushunib eting. Agar sizning boshingizdan oʻtmagan boʻlsa, depressiyani qaygʻu yoki alam kabi hislar bilan adashtirmang. Bu doʻstingizning kasallik uchun oʻzini aybdor sanashini kuchaytiradi. 
4. Kasallik haqida ochiq gapiring

Doʻstingiz bilan uning ahvoli haqida ochiq suhbatlashing. Tadqiqotlarning koʻrsatishicha, oʻz joniga qasd qilishga doir suhbatlar xavfning oldini oladi. Depressiyaning ogʻir shakli ana shunday natijalarga olib keladi. 
Kasallik haqida ochiq-oydin suhbatlashish "ruhiy xasta" yorligʻini buzishga yordam beradi va bunday vaziyatda yordam soʻrash - normal holat ekanligini tushunishda muhim rol oʻynaydi.