Iqtisodiyot asoslari

Bozor infratuzilmasi - bozorning samarali faoliyat yuritishini ta’minlovchi va unga xizmat ko’rsatuvchi soha va tarmoqlar majmui.
Byudjet - pul daromadlarining shakllanish manbalari va sarflash kanallarini aks ettiruvchi hujjat.
Byudjet kamomadi - byudjet xarajatlarining daromadlardan ortiqcha bo’lishi.
Byudjet profisiti - byudjet daromadlarining rejalashtirilgan byudjet xarjatlaridan ortiqcha bo’lishi.
V
Valyuta - mamlakatning muomalada mavjud bo’lgan milliy pul birligi.
Valyuta intervensiyasi - valyuta kursini tartibga solish maqsadida markaziy bank tomonidan xorijiy valyutani sotish yoki sotib olish.
Valyuta kursi - bir mamlakat pul birligining ikkinchi bir mamlakat pul birligida ifodalangan narxi.
Veksel’ - muayyan miqdordagi pulni qarzga olganligi va uni qancha muddatda qaytarib berishligi haqida shu davlatda amal qiluvchi qonun talablariga qat’iy rioya qilgan holda aniq shaklda maxsus yozib berilgan va rasmiylashtirilgan qarzdorlik hujjati.
Venchur korxonalar - fanning salmog’i yuqori bo’lgan, ishlab chiqarish jarayoniga fan va texnika yangiliklarini birinchilardan bo’lib tavakkal asosida joriy etish va shu asosda yuqori foyda olishni maqsad qilib qo’yuvchi kichik korxonalar.
Venchur kapital - tavakkalchilik darajasi yuqori bo’lgan kapital qo’yilmalarini moliyalashtirishda foydalanilishi mumkin bo’lgan pul mablag’lari.
Vertikal birlashma - tayyor mahsulot ishlab chiqarishning turli bosqichlarini amalga oshiruvchi korxonalarning birlashish shakli.
Valyuta - oltin zahiralari - markaziy bank tomonidan xalqaro hisob - kitoblar va to’lovlarni amalga oshirish, milliy valyutaning ichki va tashqi ayriboshlanishini ta’minlash maqsadida jamg’ariladigan xorijiy valyuta va oltin zahiralari.
Valyuta bozorlari - turli mamlakatlarning milliy valyutalari sotiluvchi va sotib olinuvchi bozor.
Valyuta paretiteti - ikki valyuta o’rtasida valyuta kurslarini hisoblash maqsadida qo’llaniluvchi nisbat.
G