Inventarizatsiya natijalarini buxgalteriya hisobida aks ettirish

1-жадвал
Инвентаризация ўтказиш бўйича белгиланган айрим тартибларни бузилиши ва ушбу тартиблар бузилиши натижасида келиб чиқувчи
оқибатлар³

Инвентаризация ўтказиш бўйича белгиланган тартибни бузилиши	Тартиб бузилиши натижасида келиб чиқувчи оқибатлар
Инвентаризация ўтказиш тўғрисидаги буйруқни (фармойишни, қарорни) нотўғри расмийлаштирилиши (жумладан, инвентаризация ўтказиш вақтини, комиссия таркибини, мол-мулклар рўйхатини ва ҳ.к.ларни кўрсатилмаслиги)	Инвентаризацияни ўтказишга асос йўқ, жумладан унинг натижаларини расмийлаштиришга ҳам.
Инвентаризация ўтказиш комиссиясининг биргина аъзосини ҳам қатнашмаслиги	Инвентаризация натижаларини хақиқий эмаслигига олиб келади.
Инвентаризация рўйхатини бир нусхада тузилиши	Инвентаризация натижаларини хақиқий эмаслигига олиб келади.
Хўжалик операцияларини вақтинча тўхтатилмаслиги ва охирги кирим ва чиқим ҳужжатларига инвентаризация комиссияси раиси томонидан виза қўйилмаслиги	Ўтказилган инвентаризация натижалари бўйича муросасизликка (тортишувга) олиб келиши мумкин.
Моддий жавобгар шахсдан охирги кирим ва чиқим ҳужжатларини бухгалтерияга тақдим қилганлиги бўйича тилхат олинмаслиги	Ўтказилган инвентаризация натижалари бўйича муросасизликка (тортишувга) олиб келиши мумкин.
Бухгалтерия ҳисоби маълумотлари билан хақиқий ҳолатни нотўғри солиштирилиши	Ўтказилган инвентаризацияни хақиқий эмаслигига олиб келади
Инвентаризация рўйхатини хар бир вароғи бўйича жамини ҳисоблаб чиқарилмаслиги, суммаларни ёзувда ёзилмаслиги, шунингдек моддий бойликларнинг жами миқдорини (ҳажмини) натурада акс эттирилмаслиги	Инвентаризация натижаларини қайтадан кўриб чиқиш заруратига олиб келади
Инвентаризация рўйхатида моддий жавобгар шахснинг имзосини мавжуд эмаслиги (агарда бу нарса қонунчилик талабларига мувофиқ талаб қилинган бўлса)	Ўтказилган инвентаризация натижалари бўйича камомадлар аниқланадиган бўлса, моддий жавобгар шахсга бу хақда эътироз билдиришга асос бўлмайди.
Инвентаризация рўйхатининг охирги вароғида инвентаризация натижалари бўйича ҳеч қандай эътироз ва қўшимчалари йўқлиги тўғрисида моддий жавобгар шахснинг тилхати ва имзосини мавжуд эмаслиги	Ўтказилган инвентаризация натижалари бўйича камомадлар аниқланадиган бўлса, моддий жавобгар шахсга бу хақда эътироз билдиришга асос бўлмайди.
Инвентаризация рўйхатидаги нотўғри ёзувлар инвентаризация комиссиясининг барча аъзоларининг имзоси билан тасдиқланмаганлиги	Тўғирланган ёзувларнинг хақиқий эмаслигини билдиради
Инвентаризация рўйхатида бўш қаторларни қолиб кетиши (ёки бўш қаторлар устидан чизиб қўйилмаганлиги)	Ўтказилган инвентаризация натижалари бўйича муросасизликка (тортишувга) олиб келиши мумкин.
Инвентаризация ўтказиш давридаги танаффус вақтларида инвентаризация комиссияси ва инвентаризация ўтказиш билан боғлиқ ҳужжатлар жойлашган хонани очиқ ва назоратсиз қолдирилиши	Ўтказилган инвентаризация натижалари бўйича муросасизликка (тортишувга) олиб келиши мумкин.

Инвентаризация натижасида аниқланган камомад ва ортиқчаликларни ҳисобда акс эттирилишини қуйидаги схема орқали келтиришимиз мумкин (1-расм). Бюджет ташкилотларида ўтказилган инвентаризация натижаларини (камомад ёки ортиқчаликларни) ҳисобда акс эттириш тартиби Ўзбекистон Республикаси Молия вазирлиги, Давлат солиқ қўмитаси ва Меҳнат ва аҳолини ижтимоий муҳофаза қилиш вазирлигининг 2004 йил 10 мартдаги қўшма қарори билан тасдиқланган ва Адлия вазирлигида 2004 йил 6 апрелда 1334-сон билан рўйхатга олинган Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисидаги Низом ҳамда Молия вазирининг 2010 йил 17 декабрдаги 105-сон буйруғи билан тасдиқланган ва Адлия вазирлигида 2010 йил 22 декабрда 2169-сон билан рўйхатга олинган Бюджет ташкилотларида бухгалтерия ҳисоби тўғрисидаги Йўриқнома билан тартибга солинади.