Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

Radiokanal asosida ulanish. Agar foydalanuvchi atrofida telefon liniyasi tortilmagan bo`lsa, radiokanal orqali Internetga ulanish eng makbul usul hisoblanadi. Biroq faqat bitta foydalanuvchiga radioaloqa kanallarini ajratish juda katta harajat evaziga amalga oshiriladi. Shuning uchun kelishilgan holda bir gurux foydalanuvchilarga radiokanal ajratish maqsadga muvofiqdir. U holda Radio Ethernet texnologiyasidan foydalaniladi. Ushbu texnologiya uchun standart ishlab chiqilgan. Unga ko`ra bir necha abonentlar bir vaqtning o`zida lokal tarmoq rejimida umumiy radiokanaldan foydalangan holda Internet tarmog`idan foydalanishlari mumkin Тarmoqdagi har bir kompyuter umumiy kanalni nazorat qilishi mumkin. Agar ma’lumot biror abonentga yo`naltirilgan bo`lsa, u o`z ma’lumotini qabul qilib oladi. Agar abonent ma’lumot jo`natmoqchi bo`lsa, u kanal bo`shashini kutadi. Agar bir vaqtning o`zida ikki abonent ma’lumot uzatish so`rovini bergan bo`lsa, ziddiyatli holat yuzaga keladi. Ushbu vaziyatdan chiqish uchun har bir abonent yana qayta so`rrov jo`natishi kerak bo`ladi. Kanal band etilganidan so`ng undan yuqori tezlik bilan to`lik foydalanish imkoniga ega bo`ladi.

Abonent telefon liniyasi o`rniga ushbu usulda radioantenna o`rnatiladi. Ushbu antenna bazaviy stansiyadan signal qabul qiladi yoki unga uzatadi. Ma’lumotlar uzatish tezligi 11 Mbit/sek gacha bo`lishi mumkin Abonent bilan radio kanaldan foydalanish imkonini beruvchi bazaviy stansiya oralig`idagi masofa 40 km gacha bo`lishi mumkin.