Intellektual tizimlar

3. MA’RUZALAR MATNI

1-Ma’ruza. Intellektual tizimlar haqida umumiy ma’lumotlar

Reja:

1. Fanning maqsadi va vazifalari.

2. Asosiy tushunchalar va ta’riflar.

3. Sun’iy intellekt tizimlari.

Tayanch iboralar: sun’iy intellekt, adaptiv dasturlash, tabiiy tilda ma’lumotlarni qayta ishlash, o’rgatuvchi to’rlar, og’zaki konseptual o’qitish, nazariyotchi- mantiqchi, umumiy masala yechuvchi, evristik usul, bilimlar bazasi.


1. Fanning maqsadi va vazifalari.
Zamonaviy informasion texnologiyalarning asosiy yunalishlardan biri insonga taaluqli bo’lgan vazifalarni bajaruvchi intellektual tizimlarni yaratishdir. Xar bir soxada, ekspert rolini bajaruvchi va insonni vazifalarini o’z zimmasiga oluvchi bunday tizimli dasturlar ekspert tizimlar deyiladi. Ekspert tizimlar sun’iy intellekt tizimlarni bir qismi bo’lib, u nazariy jixatdan bu soxani rivojlantirishda muxim rol o’ynaydi va sun’iy intellektning amaliy tizimlarini yaratilishida ekspert tizimlar birinchi qadam bo’lib xisoblanadi.
Ekspert tizimlar sun’iy intellekt g’oyalari va usullariga asos bo’lib, bilimlar, ma’lumotlar yig’indisi va ular yordamidagi boshqaruv tizimlari xamda mantiqiy qidiruv, assosiativ, xisoblash amallari xozircha juda oz miqdorda ijodiy jarayonlarga o’xshatilgan bilim­lar manbai, aniq bir ko’rinishda ishlatiladi.
O’quv fanining maqsadi va vazifalari. Fanning maqsadi − intellektual tizimlarni o’ziga xos xususiyatlari va imkoniyatlarini o’rganish, intellektual tizimlarni inson faoliyatining turli soxalarida qo’llanilish asoslarini o’rganishdan iboratdir. Asosiy e’tibor intellektual tizimlarni turli soxalarda qo’llanilishiga qaratilgandir. Fanning asosiy maqsadlaridan biri-bu turli intellektual tizimlarida kechayotgan axborot jarayonlarini roli va xarakteri to’g’risida umumiy tasavvur xosil qilishdir.
Fanning vazifasi-talabalarni ekspert tizimlar yaratishni nazariy asoslarini, instrumental vositalarni o’rganish xamda keng tarqalgan eks­pert tizimlarni xususiyatlari bilan tanishishdan iboratdir.