Интеллект ва тафаккурнинг спорт фаолиятидаги ўрни

1.1	Sport faoliyatining psixologik xususiyatlari
1.2	Intellektning psixologik tadqiq etish masalalari
1.3	Inttelekt va tafakkurning psixologik tavsifi.
II- BOB	INTELLEKT VA TAFAKKURNING SPORT FAOLIYATIDAGI O‘RNI
2.1.	Sport faoliyatining motivlari.
2.2	Intellekt va tafakkurning sport faoliyatidagi o‘rni
2.3	Sportda musobaqalashish faoliyatining psixologik xususiyatlari
III-BOB	MUAMMONING AMALIY TAXLILI
3.1	Intellekt va tafakkurning sport faoliyatidagi o‘rnini o‘rganish usullari .
3.2	Tadqiqot natijalarini qayta ishlash va taxlil qilish.
	Umumiy xulosalar va tavsiyalar
	Foydalanilgan adabiyotlar ro‘xati
	Ilovalar.

Kirish.
Mavzuning dolzarbligi: Mavzuning dolzarbligi shundan iboratki, mamlakatimiz mustaqil bo’lganidan keyin Prezidentimiz va xukumatimiz yoshlarga ularni sog’lom, jismoniy va ma’naviy jihatdan baquvvat bo’lib yetishishiga asosiy e’tiborlarini qaratdilar. Bunga misol tariqasida Respublikada sportni ayniqsa, yoshlar sportini rivojlantirish bo’yicha chora tadbirlariga oid bir necha farmon va qarorlar chiqqanligi fikrimiz dalilidir
O‘zbekiston siyosiy mustaqillikka erishishi bilan xalqimiz hayotida yangi davr boshlandi. Boshqa sohalarda bo‘lgani singari «Jismoniy tarbiya va sport» faoliyatida ham katta o‘zgarishlar yuz berayapdi. Jismoniy tarbiya va sport faoliyati 1992 yildan keyin amalda yangidan barpo etildi. Respublikamizdagi amalga oshirilayotgan qayta qurishdan asosiy maqsad va uning harakatlantiruvchi kuchi inson, ya’ni shaxsning har tomonlama rivojlanishi va faravonligi hisoblanadi. Shunday ekan, kelajagimizning egalari bo‘lgan yoshlarni har tomonlama yetuk, jismonan sog‘lom va ma’naviy barkamol qilib tarbiyalash xozirgi kundagi eng dolzarb vazifalaridan biridir.
Shubhasiz, Yangi jamiyatni qurish, eng avvalo yoshlarga, ularning ma’naviy dunyosi, kasbiy mahorati va yaxshi jismoniy holatiga bog‘lik bo‘ladi. Xukumatimiz tomonidan ishlab chiqilgan me’yoriy xujjatlar – «Jismoniy tarbiya va sport to‘g‘risida»gi, «Ta’lim to‘g‘risida»gi Qonunlar, «Kadrlar tayyorlash Milliy dasturi», «O‘zbekistonda Bolalar sportini rivojlantirish jamg‘armasini tuzish to‘g‘risida»gi farmoni, shuningdek bu xujjatlarni amalga oshirishda mavjud ta’lim va kadrlarni tayyorlash tizimlarini tubdan o‘zgartirish, zamonaviy ilmiy fikrlar yutuqlari va ijtimoiy tajribalarga, ta’lim jarayonini hamma bosqichlarida uzluksiz ta’lim tizimini ta’lim muassasalarining hamma shakl va turlarida ilg‘or metodik ta’limlarga tayangan holda amalga oshirishni ko‘zda tutadi.
O‘zbekiston Respublikasi prezidenti I.A.Karimov “Yuksak ma’naviyat yengilmas kuch” asarida “Odobli, bilimdon va aqlli, mehnatsevar, iymon-e’tiqodli farzand nafaqat ota-onaning, balki butun jamiyatning eng katta boyligidir” – deb ta’kidlaganlar¹. Farzandlarimiz kundalik hayotimizda uchrab turadigan “hayot sinovlari”ga ko‘nikishi, kerak bo‘lsa, bardosh berishi va albatta hayotiy tajribalarga ega yetuk mutaxassislar ko‘magiga muhtojlik sezishi tabiiydir.
Respublikamiz Prezidenti I.A.Karimov ta’kidlaginidek, Vatanimiz kelajagi islohatlarning taqdiri va ularning natijalari, xalqimizning bilim darajasi davr talabiga va tarraqqiyotiga qanchalik mosligiga, qanday mutaxassislar yetkazib berib, o‘rnimizni egallashlariga bog‘liqdir. Shuning uchun mamlakatimiz rahbariyati ta’lim tizimini tubdan isloh qilishga katta e’tibor qaratayapti. Shunga ko‘ra, yuqori malakali kadrlar tayyorlash davlat siyosati darajasidaga ko‘tarilmoqda. Yuqori malakali mutaxassis kadrlarni tayyorlashga erishish uchun ta’lim jarayonini tashkil qilish va boshqarishning o‘ziga xos talablari mavjud.