Institutí NÓkis filialí «Veterinariyada kàsip etikaSÌ»

P. P. VINOGRADOV
Veterinariya pánleri doktorı, professor, Ózbekstanda xızmet kórsetken pán ǵayratkeri.
Professor P. P. Vinogradov 1930 -1959-jıllarda Samarqandtag’i Ózbekstan mámleket zooveterinariya institutı awıl xojalıq haywanlari normal anatomiyası kafedrasınıń basqarıwshıı, 1934-1938-jıllarda veterinariya fakulteti dekanı lawazımlarında iskerlik kórsetken.
Professor P. P. Vinogradov qarako'l qoyi, ózbek eshkisi hám bir tuyaqlı haywanlar anatomiyası sıyaqlı tarawlarda ko’plep ilimiy-izertlewler alıp barǵan.
Professor P. P. Vinogradov jergilikli millet wákillerinen qa’nige kadrlar tayarlawǵa úlken itibar qaratıp, kóplegen shákirtler tayarladı, olardan pán kandidatlari hám doktorlari jetisip shıqtı; D. X. Narziev, SH. I. Ibragimov, F. X. Majidov, A. K. Sagitov, X. K. Rustamov, G. Tursunov, A. Avdeev, L. I. Kargapolova, V. A. Polyakov, N. A. Vladimirova hám basqalar.
S. N. VOHIDOV
S. N. Vohidov 1912-jılda Samarqand qalasında xizmetker shańaraǵında tuwılǵan. 193- jılda orta mektepti tamamlap, Ózbekstan mámleket awıl xojalıǵı institutinin’ veterinariya fakultetine oqıwǵa kirgen. 1936-jıl Moskva zooveterinariya institutınıń ulıwma, jeke xirurgiya kafedrasına aspiranturaǵa kirip, 1939-jılda tamamlaǵan. 1946-48-jıllarda Ózbekstan mámleket awıl xojalıǵı institutı operativ xirurgiya kafedrasında assistent bolıp islegen. 1948-1949-jıllarda bolsa Moskva veterinariya Akademiyasında bir jıllıq aspiranturada oqıp «Fitonsidlerdin’ jaraqatlar pıtıwıne tásiri» temasındaǵı kandidatlik dissertatsiyasın qorǵag’an. Keyinirek, kafedrada dotsent hám kafedra basqarıwshıı lawazımında islegen.
Pán tarawinda alıp barǵan nátiyjeli ilimiy-izertlewleriniń nátiyjesine kóre 100 ge jaqın ilimiy maqalalar, 1 monografiya, qóllanba hám risolalar basip shig’arg’an. 1952-61-jıllarda Samarqand awıl xojalıq institutına basshılıq etken.
1960-70-jıllarda “Aktinomikoz keselliginiń kelip shıǵıw sebepleri, tarqalıwı, diagnostikası hám emlew» temasında ilimiy-izertlewler alıp barıp, 1973-jılda doktorlıq dissertatsiyasın qorǵag’an hám veterinariya pánleri doktorı ilimiy dárejesin alǵan.
S. N. Voxidovtin’ pán hám jámiyet aldındaǵı dańqlı miynetleri húkimet tárepinen joqarı bahalanıp, «Miynet veterani», «Joqarı tálim a'lochisi» nıshanları hám kóplegen maqtaw jarlıqlar hámde qımbat bahalı sıylıqlar menen siyliqlang’an.