Inson va tuproq” kitobi “Jayron” ekologik markazi

Sherobod kanali-- Surxondaryo viloyatidagi magistral kanal. 1966-yilda qurilgan. Kanalning umumiy uzunligi 27 km. Viloyatning Sherobod va Qiziriq choʻllariga suv uzatadi. Janubiy Surxon suv omborining oʻng qirgʻogʻida qurilgan bosh suv olish inshootidan suv oladi. Kanal trassasining dastlabki 8 km Surxondaryoning oʻng qirgʻogʻi boʻylab va Toshkoʻpriksoy oʻzani tagidan 150 m uzunlikdagi 3 koʻzli temirbeton quvurli dyuker orqali oʻtadi. 60-yillar oxirida uning 12 km da Sherobod choʻlidagi 80 ming gektardan ortiq yerni suv bilan taʼminlovchi nasos styasi barpo etildi. 27 km da kanal chap va oʻng tarmoqqa boʻlinadi. Kanalning chap tarmogʻi Sherobod choʻlida yangi oʻzlashtirilgan yerlarni sugʻorishga xizmat qiladi. Uning uzunligi 29,6 km. Oʻng tarmoq esa Sheroboddaryo tizimidagi yerlarni suv taʼminotini yaxshilashga xizmat qiladi, uzunligi 76,6 km.