Inson va tuproq” kitobi “Jayron” ekologik markazi

Badantarbiya- sog`liqni mustahkamlashga, odam organizmini uyg`un ravishda rivojlantirishga qaratilgan umumiy tarbiyaning uzviy qismi. Badantarbiyada, asosan, ertalab uyqudan uyg`ongandan keyin yengil mashqlar bajariladi. Bu organizmning chiniqishi, sog`lom bo`lishiga xizmat qiladi. Badantarbiya kishilarning kun tartibining bir qismini tashkil etadi.

Bahor- fasli, toʻrt fasldan biri boʻlib qish va yoz fasllarining oʻrtasida joylashgan fasl. Bahor fasli 3 oydan iborat: Shimoliy yarimsharda - mart, aprel va maydan, janubiy yarimsharda esa sentabr, oktabr va noyabrdan. Bahorda daraxtlar gʻuncha tugadi, kunlar asta-sekin isiy boshlaydi. Bu faslda qish faslida yogʻib oʻtgan qorlarning erishi va juda koʻp miqdorda yomgʻir, doʻl kabi yogʻinlarning yogʻishi suv omborlarini, koʻl va koʻlmaklarning toʻlishiga sabab boʻladi. Chaqmoq va momoqaldiroq kabi tabiat hodisalari ham eng koʻp bahor faslida roʻy beradi. Bahor faslida yogʻinlarning va baʼzi tabiat hodisalarining koʻp miqdorda sodir boʻlishi baʼzi oʻlkalarda toshqin, sel, va yongʻin kabi falokatlarga sabab boʻladi.Taqvimiy bahorga qaraganda, astronomik bahor kechroq, yaʼni yozgi tengkunlikda (shimoliy yarimsharda 20-yoki 21-mart, janubiy yarimsharda 22-yoki 23-sentabrda) keladi va yozgi quyosh turishi (shimoliy yarimsharda 20-yoki 21-iyun, janubiy yarimsharda 21-yoki 22-dekabrda) boshlanadi.