Inson va tuproq” kitobi “Jayron” ekologik markazi

Kosonsoy suv ombori- Qirgʻiziston Respublikasi Oʻsh viloyati hududida joylashgan gidrotexnika inshooti. Fargʻona vodiysidagi dastlabki suv omborlaridan biri bo`lib, vodiyning shimoli-sharqida (Namangan shahridan 50 km shimoli-gʻarbda) barpo etilgan. Kosonsoy daryosi rejimini tartibga solish, sel suvlarini toʻplash maqsadida Kosonsoy vodiysining toraygan Oʻrtatoʻqay botigʻida barpo etilgan. Qurilish 1941-yilda boshlanib, 1948-yilda suv ombori foydalanishga topshirildi, 1955-yilda batamom tugallangan. Kosonsoy suv omboriga balandligi 60 m, uzunligi 290 m bo`lgan toʻgʻon qurildi. Kosonsoy suv omborining uzunligi 5,2 km, chuqurligi 20,6 m. Kosonsoy suv ombori suvi bilan Namangan viloyati Chust, Kosonsoy, Toʻraqoʻrgʻon tumanlari va Kirgʻizistonning Oʻsh viloyati Olabuqa tumani ekinzorlari sugʻoriladi. Suv toʻplash dekabrdan iyulgacha davom etadi.