Inson va jamiyat

«Hikmatlar hazinasi»

1. Fozil insonlar, deganda kimlarni tushunasiz?

2. Davlat va jamiyatning mustah kamligi uchun qanday omillar zarur deb hisoblaysiz?

3. Ilm-fanning rivojlanishi jamiyat farovonligiga qanday ta’sir ko‘rsatadi?

«Inson o‘z shaxsiy talablari jihatidan boshqalardan ajralgan holda yashay olmaydi, chunki u insoniyatning boshqa vakillari bilan munosabatdagina ularni qondira olishi mumkin. Jamoa a’zolarining barchasi uchun majburiy-huquqiy qonunlar zarur bo‘ladi. Jamoaning barcha a’zolari mehnat bilan shug‘ullanmoqlari zarur».

Abu Ali ibn Sino

BILIB OLING

Jamiyat — muayyan hududda yashovchi, o‘z ehtiyoj va manfaatlariga ko‘ra birlashgan kishilardan iborat jamoa.

Dars sabog‘i. Insonlar bir-birlariga nisbatan mehr-oqibatli, xushmuomalali, ahil-inoq, iltifotli bo‘lishlari tufayli turmush farovonlashadi. Oila, mahalla-ko‘yda o‘zaro totuvlik yuzaga keladi. Shunday ekan, jamiyatning ravnaq topishi, o‘z navbatida, insonlarning faqat ezgu maqsadlar yo‘lida yashashlariga bevosita bog‘liq.

«Do‘stlikning haqiqiy zamini tenglikdir; do‘stlik hech qachon o‘rtaga mansabni aralashtirmaydi, hamma vaqt tenglikni talab qiladi. Etyen de la Boesi