Innovatsiya 2021: dolzarb muammolar va zamonaviy yechim

РЕСПУБЛИКАДА ФАН ВА ТАЪЛИМНИНГ ИНТЕГРАЦИЯСИ ҲОЛАТИ 
Норов Асрор Эгамбердиевич
и.ф.ф.д.,(PhD) 
Тошкент давлат иқтисодиёт университети

Глобаллашув шароитида янгиланиш ва юксалишлар ҳар бир соҳада 
интеграциялашув, инновацион тафаккурни ва уларга асосланган жамоавий 
уйғунлашув ҳамда инновацион муҳитни талаб этади. Ўзбекистон Республикаси 
Президенти Шавкат Мирзиёевнинг таъбири билан айтганда 
“... Энг муҳим 
вазифа – халқимиз онгида инновацион тафаккурни шакллантириш. 
Инновациялар 
бўлмаган 
жойда 
ривожланиш 
ва 
рақобат 
ҳам 
бўлмайди...
”[1]. 
Жамоавий уйғунлашув бу ижтимоий ва иқтисодий секторлар соҳаларида 
интеграциялашув билан билимлар концентрациялашувига эришиш, оригинал 
ихтироларнинг ворисийлик асосида намоён бўлишига ҳамда 
“илм орқали 
билим”
тамойили қонуниятига кўра ривожланиб, инновация даражасига 
кўтарилишига шарт-шароит яратишдир. Бугунги кун, ҳаётий босқичлари 
инновация – билимларнинг тугал концентрациялашган интеграциялашувида, 
муаммонинг теран англаниши туфайли пайдо бўлган ғоядан бошланувчи илмий 
тадқиқот, соҳа илмий-техник кадрларининг фаол ҳамкорлиги маҳсули, 
янгиланишга асосланган тўкин ва фаровон ҳаёт, ижтимоий ва иқтисодий 
юксалишларни таъминловчи омил, яъни бозорда ўз ўрнини топган ихтиро 
эканлигини исботлади. 
Илм-фан ва таълимни интеграциясини таъминлаш мақсадида ўтган 2020 
йилда Фанлар академиясининг 65 нафар академиклари республиканинг 33 та 
академик лицейлари, 27 та касб-ҳунар коллежлари, 29 та олий таълим 
муассасалари ва 36 та хўжалик ташкилотларига, Ўзбекистон қишлоқ хўжалиги 
илмий-ишлаб чиқариш марказининг 21 нафар академиклари ва мухбир 
аъзолари эса республиканинг 8 та академик лицейларига, 8 та касб-ҳунар 

---

INNOVATSIYA 2021: DOLZARB MUAMMOLAR VA ZAMONAVIY YECHIM 
Стр. 
20
коллежларига, 8 та олий таълим муассасаларига ва 13 та хўжалик 
ташкилотларига бириктирилди. 
Академикларга 
бириктирилган 
таълим 
муассасалари 
ва ташкилотларда амалга ошириладиган ишлар бўйича жами 162 та, жумладан, 
Фанлар академиясининг академиклари бўйича 125 та, Ўзбекистон қишлоқ 
хўжалиги илмий-ишлаб чиқариш марказининг академиклари ва мухбир аъзолар 
бўйича 37 та чора-тадбирлар режаси ишлаб чиқилди.
Амалга оширилган мазкур фаолият таълим жараёнига олимларни жалб 
этиш билан биргаликда, илмни ёшартириш ҳамда илмни омма учун кенг тарғиб 
қилиш учун босқичма-босқич эришишни ҳам назарда тутади. Хусусан, бунинг 
натижаси ўлароқ кўриш мумкинки, кейинги давр мобайнида академиклар 
томонидан олиб борилаётган илмий фаолият тўғрисида республика 
газеталарида 41 та мақола, радио каналлари орқали 17 та эшиттириш, 
телевидение орқали 35 та кўрсатув ва республиканинг веб-порталларида 38 та 
мақолалар эълон қилинди. 
Дунёда таълим ва илм интеграцияси мақсадида университетлар бир қатор 
мустақилликларга эга. Масалан, ишлаб чиқаришда илмий индикаторларни 
ошириш, академик ва илмий мустақиллик, ўз илмий йўналиши ва уни олиб 
бориш шаклларини мустақил белгилаши нуқтаи назаридан таълим 
муассасалари бир мунча эркинлиги уларнинг ишга ёндашувида ҳам таълим ва 
илмий фаолият менежментида ҳам ижобий таъсир кўрсатади. Бу борада бизлар 
ҳам таълим ва илм соҳасида давлатнинг назоратчилик функциялари йилдан 
йилга камайиб, илмий фаолиятни эркинлиги учун кенг имкониятлар 
яратилмоқда. Ҳозирда таълим-фан интеграциясини таъминлаш учун амалга 
оширилаётган ишлар натижасида иқтидорли ёшларни илмий фаолиятга кенг 
жалб қилиш борасидаги мавжуд чекловни бартараф этган ҳолда фалсафа 
доктори (PhD) илмий даражаси асосида тадқиқотларни ташкил этиш ҳамда шу 
асосда илмий салоҳиятни мустаҳкамлаш ва олий малакали кадрлар 
селекциясини амалга оширишга эришилмоқда, илмий мактаблар нуфузини 
янада ошириш ва янги илмий мактабларни шакллантириш ва ривожлантириш 

---