Innovatsion menejment funktsiyalari

davlat iqtisodiy siyosati va innovatsiyalarning o`zaro bog’liqligi quyidagi o`ziga xos xususiyatlarga ega:
- birinchidan, innovatsiyalarning jamiyat taraqqiyotining iqtisodiy sharoitlari bilan to`g’ri mutanosiblikda o`zgarishi davlat iqtisodiy asoslari mustahkamlanishining muhim sharti ekanligi, ikkinchi tomondan esa, davlat hayotining iqtisodiy asoslarini mustahkamlash zarurligi innovatsiyalardan foydalanish yo`nalishlari va vositalariga ta`sir ko`rsatadi;
- iqtisodiyot va innovatsiyalarning o`zaro aloqasi mikdoriy va sifatiy tavsifni belgilovchi siyosat orqali amalga oshiriladi. Miqdoriy ko`rsatkichlar innovatsiyalarni davlat taraqqiyoti uchun zarur moliyaviy resurslarni mobilizatsiya qilishni asosiy omil sifatida tavsiflaydi. Sifatiy ko`rsatkichlar iqtisodiyotning samarali amal qilishi uchun zarur innovatsiyalarning samaradorligini belgilovchi ko`rsatkichlarni tavsiflaydi.
SHunday qilib, innovatsiyalar va mamlakat iqtisodiy taraqqiyoti munosabatlarining xarakteri va o`zaro bog’liqligini tahlil qilish ilmiy va amaliy
ahamiyatga egadir. Innovatsiyalar iqtisodiyot bilan bog’liq bo`lib, ular iqtisodiy ko`rsatkichlar yaxshilanishiga ta`sir ko`rsatib, iqtisodiyotning barqarorlashuvi va ijtimoiy – iqtisodiy muammolarni hal qilishga yordam beradi.
1.2. Innovatsion menejment funktsiyalari.

Boshqarish jarayoni - strategik marketing, rejalashtirish, jarayonlarni tashkil etish, hisob, nazorat, motivlashtirish va tartibga solishning uzluksiz, o`zaro bog’liq xarakatlarning zanjiri hisoblanadi.

Innovatsion menejmentning asosiy funktsiyasilaridan biri- strategik marketingdir. Strategik marketing-bu innovatsiya va yangiliklar portfelini shakllantirish bo`yicha kompleks ishdir, ya`ni bozorni strategik segmentatsiya qilish asosida firma strategiyasini tuzish, kerakli miqdorda foyda olish va firmaning raqobat ustivorligini saqlash va unga erishish maqsadida maxsulot sifatini oshirish; resurslardan tejamli foydalanish va ishlab chiqarishnig kompleks rivojlanishini strategik istiqbollashdir.
Marketing - bu birinchidan, bozor iqtisodiyoti sharoitida har qanday faoliyatni iste`molchilarga yo`naltirilgan kontseptsiyadir, ikkinchidan halqaro ISO 9000 seriyasidagi standartlarga binoan ob`ekt hayotiy davrining birinchi bosqichi. Hozirgi vaqtda ko`p adabiyotlarda marketing funktsiyasiga tovarni loyihalashtirish va uni ishlab chiqarish kiritilyapti. Bizning fikrimizcha, marketing xizmati yuqorida qayd etilgan ishlarda ishlab chiqarishda, kelishuvlarda ishtirok etish, marketing kontseptsiyasidan foydalanishda hamma bo`limlarga uslubiy yordam ko`rsatish, marketing kontsetsiyasidan foydalanilgan, iste`molchilarga yo`naltirilgan har qanday faoliyatni rag’batlantirish bo`yicha takliflar bilan raxbariyatga chiqishda faol ishtirok etishdir.
Firma marketing kontseptsiyasidan kelib chiqqan holda strategik marketing funktsiya va vazifalari quyidagilardan iborat.
^{Jadval № 1.}