Инновацион таълим технологиялари маркази

 
 
Аудиторлик хулосаси 
20___ йил 
“___”____________ 
Тошкент шаҳри 
Ушбу аудиторлик хулосаси “Текстайл” акциядорлик жамиятининг 2007 йил 1 
январдан 2007 йил 31 декабргача бўлган фаолияти учун тайёрланди. 
“Текстайл” акциядорлик жамияти Тошкент шаҳри Шайхонтоҳур Давлат солиқ 
инспекциясидан солиқ тўловчи сифатида рўйхатдан ўтган ва 200343485-сонли ИННга 

---

133
эга. Тошкент шаҳрида жойлашган АТФ Банк “Асака” Тошкент шаҳар бўлимида 
20210000902200680001-сонли ҳисоб рақамига эга. 
Ушбу аудиторлик хулосаси Ўзбекистон Республикаси “GOODWILL” МЧЖ 
томонидан “Текстайл” акциядорлик жамияти бошқарув раиси билан 2008 йил 5 январь 
куни тузилган №5/2-сонли шартномага асосан ўтказилган аудиторлик текшириш 
натижаларига мувофиқ тайёрланди. 
Аудит текшируви Ўзбекистон Республикасидаги қонунчилик ва аудит 
стандартларига мувофиқ “Текстайл” акциядорлик жамиятининг 2007 йил молиявий 
ҳисоботлари бўйича фикр билдиришга етарли маълумот тўплаш даражасида тузилган 
режага мувофиқ ўтказилди. 
Аудиторлик текширувидан ўтказиладиган молиявий ҳисоботнинг тайёрланиши 
ва ҳаққонийлиги учун Тошкент шаҳри “Текстайл” акциядорлик жамиятининг 
маъмурияти жавобгар ҳисобланади.
Аудиторлик текшируви аудиторлик фаолияти миллий андозаларига (АФМА)га 
мувофиқ ўтказилди. Ушбу андозалар биз фойдаланувчиларни молиявий ҳисобот 
жиддий бузилишларга эга эмаслигига етарлича ишонч билан таъминлашимиз 
кераклигини тақозо этади. Аудиторлик текшируви ҳаққонийлиги ва молиявий ҳисобот 
ҳамда бошқа молиявий ахборотнинг қонун ҳужжатларига, шунингдек молиявий-
ҳўжалик фаолиятининг ҳақиқий ҳолатига мувофиқлигини баҳолашга асосланади. 
Ўтказилган аудиторлик текшируви фикрни ифодалаш учун етарлича асослар беради 
деб ҳисоблаймиз. 
Аудиторлик ҳисоботида қайд этилганларга кўра, “Текстайл” акциядорлик 
жамияти йил якуни билан товар сотишдан тушган тушум 83445,0 минг сўм бўлиб, 
ушбу сотилган маҳсулотларнинг таннархи 52184,0 минг сўм, сотишдан тушган ялпи 
даромад 31261,0 минг сўм. Жамиятнинг йиллик жами харажатлари 30063,0 минг сўм 
бўлиб, шундан маъмурий харажатлари 17570,0 минг сўм ҳамда бошқа операцион 
харажатлар 12493,0 минг ташкил этади. Солиқ тўлагунга қадар молиявий натижа 
11708,0 минг сўм бўлиб, солиқлар ва йиғимлар 6258,0 минг сўм. Молиявий натижаси 
эса 5450,0 минг сўмни ташкил этади.
Фикримизча, хўжалик фаолияти юритувчи субъект “Текстайл” акциядорлик 
жамиятининг 2007 йилда амалга оширган хўжалик муомалалари унинг йил якуни 
бўйича ўтказилган молиявий ҳисоботларида тўлиқ акс эттирилган ва Ўзбекистон 
Республикасининг амалдаги қонунчилиги талабларига мувофиқ келади.