Инновацион таълим технологиялари маркази

 
2.7. Дебитор ва кредитор қарзлар таҳлили 
Мазкур жамиятда амалдаги ҳисоб-тўлов тартибларига, шунингдек Ўзбекистон 
Республикаси Президентининг 1995 йил 12 майдаги “Халқ хўжалигида ҳисоб-
тўловларни ўз вақтида ўтказилиши учун корхона ва ташкилотлар раҳбарларининг 
масъулиятини ошириш борасидаги чора-тадбирлар тўғрисида”ги 1154-сонли 
Фармонига риоя қилиниши кўриб чиқилганида қуйидаги далиллар аниқланди. 
2007 йилни 1 январь ҳолатига дебиторлик қарзи миқдори жами 5219,3 минг сўм, 
кредиторлик қарзи эса 14023,3 минг сўм бўлган. 
2008 йилни 1 январь ҳолатига келиб дебиторлик қарзи 14878,2 минг сўм, 
кредиторлик қарзи эса 47236,0 минг сўмни ташкил этиб, шундан тўлов муддати ўтиб 
бўлган кредиторлик қарзи 877,2 минг сўмни ташкил этади. 
 
2.8. Корхонанинг молиявий натижаси даромадлар 
ва харажатлар таҳлили 
“Текстайл” акциядорлик жамиятининг тақдим этган ҳисоботига кўра йил якуни 
бўйича жами даромади 93955 минг сўм бўлиб, шундан маҳсулот сотишдан кўрган 
даромади 83445,0 минг сўм, асосий фаолиятининг бошқа жараёнларидан кўрган 
даромади эса 10510,0 минг сўм. Жами харажатлар эса 82247,0 минг сўмни ташкил 
этади. Жумладан, ишлаб чиқариш таннархи 52184,0 минг сўм, маъмурий харажатлари 

---

129
17570,0 минг сўм ҳамда асосий фаолиятнинг бошқа харажатлари 12493,0 минг сўмни 
ташкил этади. 
Мазкур жамиятнинг солиқ тўлангунга қадар молиявий натижаси 11708,0 минг 
сўмни ташкил қилиб, солиқ ва йиғимлар тўловидан кейин соф фойдаси 5450,0 минг 
сўмни ташкил этади.
 
2.9. Бухгалтерия ҳисоботининг юритилиши таҳлили 
Бухгалтерия ҳисоботини юритишда, бухгалтерия ҳисоботларини ва молиявий 
ҳисоботларни тузишда Ўзбекистон Республикасининг “Бухгалтерия ҳисоби 
тўғрисида”ги қонунига ва амалдаги “Бухгалтерия ҳисоби миллий стандарт”ларига 
ҳамда Ўзбекистон Республикаси “Солиқ кодекси”га, Ўзбекистон Республикаси 
Вазирлар Маҳкамасининг 1999 йил 5 февралдаги №54-сонли қарори билан 
тасдиқланган “Маҳсулот (ишлар, хизматлар)ни ишлаб чиқариш ва сотиш 
харажатларининг таркиби ҳамда молиявий натижаларни шакллантириш тартиби 
тўғрисида Низом”га тўлиқ амал қилинишини тавсия этамиз. 
Бундан ташқари ушбу ҳисоботда кўрсатилган барча камчиликларни ҳисобга 
олган ҳолда, бухгалтерия ҳисоби ва ҳисоботлар қайта кўриб чиқилиб, лозим бўлса 
қўшимча ёзувлари киритилиши тавсия этилади.