Инновацион таълим технологиялари” кафедраси Касб-ҳунар таълими тизими кадрларининг малакасини ошириш курси

ПРОФЕССИОНАЛ ТАЪЛИМ СОХАСИДА ДАВЛАТ СИЁСАТИ
1.1	Профессионал таълимнинг мақсад ва вазифалари	19
1.2	Касбга қўйилган талаблар (тикувчилик касби мисолида)	19
2-боб.	ЎҚУВ АМАЛИЁТИДА ЎҚУВЧИЛАР ИЖОДКОРЛИК ҚОБИЛЯТИНИ АНИҚЛАШ РИВОЖЛАНТИРИШ
2.1	Ўқувчиларнинг ижодкорлик қобилятини аниқлаш методикаси	16
2.2	Ўқувчиларнинг ижодкорлик қобилятини амалий машғулотларда ривожлантириш методикаси	17
	Хулоса ва таклифлар
	Фойдаланилган адабиётлар рўйхати
	Иловалар

КИРИШ
Профессионал талими тизимидаги ўқувчилар фаолиятини уларнинг ижодкорлик қобилятини такомиллаштириш, жамиятда рўёбга чиқарилаётган ислоҳотлар талабларига тўла жавоб берувчи, ишлаб чиқариш соҳасида юзага келган рақобатбардош, янги шароитларга тез мослаша олувчи кадрларни тайёрлашга катта ҳисса қўшади. Шу билан бирга меҳнат бозорида мутахассислар малакасига қўйилаётган талаблар даражасида самарали фаолият юритувчи этук мутахассисни шакллантириш долзарб муаммо ҳисобланади. Профессионал таьлими тизимини мутаҳасис кадрлар билан таъминлаш мотиватсион, иродавий сифатлар, интеллектуал салоҳият, ҳиссий сифатлар, амалий кўникмалар, ўз-ўзини бошқара олиш лаёқатларининг ўзаро боғлиқлиги ва шахснинг ижтимоий-маданий фаоллик даражасини акс эттирувчи индивидуал сифатлар асосида шакллантирилади. Бўлажак мутахассис кадрларнинг касбий билимлари ва маҳорати ҳамда кўникмаларини мунтазам равишда шакллантиришда замонавий меҳнат бозори, шахс, давлат ва жамиятнинг динамик равишда ўсиб борувчи эҳтиёжларини ҳисобга олган ҳолда мутахассислар тайёрлаш динамикасини таъминлаш муайян касбни эгаллашга йўналтирилган бўлажак мутахассислар тайёрлашнинг асосий мақсадидан иборатдир. Юқоридаги фикрлардан келиб чиққан ҳолда касб-ҳунар таълимида мутахассис кадрлар тайёрлашнинг мақсади ва натижалари бугунги куннинг энг асосий масалаларидан бири ва бу мавзунинг долзарлигини белгилайди.
Республикамиз мустақилликка эришганидан сўнг, жадал ривожланиш, давлат ва ижтимоий хаётининг барча соҳаларини тубдан ўзгартириш, бозор муносабатига ўзига хос йўл танлаб, босқичма-босқич ўтиши тамойилини тутди. Халқ хўжалигининг барча тармоқлари фаолияти янги босқичига ўтишни ўзаро манфаатдорлик ташқи иқтисодий алоқалар асосида кўрмоқда. Хорижий мамлакатлар билан иқтисодий ва сиёсий алоқаларнинг жадал ривожланаётган шу даврида республика саноат корхоналарни тараққиёти мухум аҳамиятга эга.
Маълумки, ўқитишнинг ҳозирги услубларида талабага бериладиган маълумотлар миқдори ўқитувчи талабадан оладиган маълумотлар миқдоридан бир неча марта кўпдир. Бу эса талабалар ижодий фаоллиги сустлигидан далолат беради.
Республикамиз ўрта махсус, профессионал таълим тизимида амалга оширилаётган кенг қамровли ислоҳотлар ўсиб келаётган ёш авлодда интеллектуал қобилиятлар ва касбий билимларни ривожлантиришни кўзда тутади. Бу эса ўз навбатида касб-ҳунар мактабларида мутахассислик фанларидан ўқув амалиётларини илғор педагогик ва ахборот технологиялари асосида ташкил этишни, шу орқали ўқувчиларда касбий билим ва кўникмаларини шакллантиришни тақоза этади. Касб ҳунар мактабларида амалга оширилаётган ўқув амалиётлари асосини ўқувчиларга амалий билимларни бериш, уларда ҳаётий ҳамда касбий фаолиятни амалга ошириш жараёнида эгалланган билимларни қўллай олиш кўникма ва малакаларини шакллантиришга йўналтирилган педагогик фаолиятни ташкил этади. Ушбу педагогик фаолият мазмуни касб ҳунар мактабларида амалга оширилаётган ўқув амалиётларининг асосий мақсадини ифодалашга хизмат қилади.
Юқорида келтирилган олимларнинг ўқув амалиёти жараёнини ташкил этиш, касб-ҳунар мактабларидаги устахоналарга ҳамда ўқувчилар иш ўрнига қўйиладиган талаблар бўйича фикрларининг таҳлили шуни кўрсатадики, бу консепсия (қараш) ларда ўрта махсус, касб-ҳунар таълими муассасаларида, хусусан касб-ҳунар мактабларида ўқув амалиёти жараёнини ташкил этиш ва ўтказиш бўйича этарли даражада ишлар олиб борилмаган.