"Инновацион ёндашув асосида ўқитувчи шахсининг касбий-педагогик фаолияти" модулини ўқитиш методикасининг назарий масалалари

1.2. “Инновацион ёндашув асосида ўқитувчи шахсининг касбий-педагогик фаолияти” модулини ўқитишда таълим технологияларининг ўрни
Ҳозирги кунда педагогик адабиёт, таълим муаммоларига оид маърузалар, расмий хужжатларда «Янги педагогик технология», «Илғор педагогик технология», «Замонавий педагогик технология» тушунчалари кенг қўлланилмокда. Аммо, ҳозирги вақтда «Педагогик технология» тушунчаси ҳали ҳам бир тизимга туширилмаган, унинг мазмунини ягона талқини ишлаб чиқилмаган ва шунинг учун мазкур иборанинг бир — биридан фарқланадиган кўпгина таърифлари мавжуд. Берилаётган таърифлардан, ҳозирги вақтда кўпгина хорижий давлатларда талқин қилинаётгани ЮНЕСКО таърифидир. У қуйидагичадир:
«Педагогик технология — бу бутун ўқитиш ва билимларни ўзлаштириш жараёнини ўз олдидаги таълим шаклларини самарадорлаштириш вазифасини қўлловчи техник ҳамда шахс ресурслари ва уларнинг ўзаро алоқасини ҳисобга олиб яратиш, қўллаш ва белгилашнинг тизимли методир» (ЮНЕСКО).
Бу таърифдаги асосий тушунча «тизимли метод» эканлиги аниқ, қолган барча сўзлар педагогик технологиянинг тизимли сифатидаги таркибий қисмларини ифодалайди. Таълим мақсадлари, унинг мазмуни, ўқитиш ва таълим бериш методлари, назорат ва натижаларни баҳолашни ўзаро алоқада ва бир —бири билан боғлиқликда лойиҳалаш кўпгина анъанавий ўқув жараёнида етишмайдиган нарсадир.
Умуман олганда, педагогик технология — бу ўқитишга ўзига хос бўлган янгича (инновация) ёндашувидир. У педагогиканинг ижтимоий —мухандислик тафаккурининг ифодаланиши, технократик илмий онгининг педагогика соҳасига кўчирилган тасвири, таълим жараёнининг муайян стандартлашуви ҳисобланади. Ҳозирги кунда олимлар орасида педагогик технологияга қизиқиш кучайганлиги кўзатилмокда. Аммо ҳозирги вақтда Республика миқёсида янги педагогик технологияларни аниқлашнинг ягона талаб мезонлари белгиланмаган. Аниқланган педагогик технологияларнинг самарадорлигини баҳолашнинг мезонлари ҳам келтирилмаган ва хоказо. Биз ҳозирги кунда Республикамизда илк бор тадбиқ қилинаётган янги педагогик технология йўналишлари, тушунчаларини умумий кўринишда беришга ҳаракат қилдик. Бизнинг вазифамиз академик лицей, коллеж ўқитувчиларига технологик ёндашув тўғрисида минимал зарур ахборотини беришдан иборат.
Таълим — тарбия жараёнининг самарали бўлишини таъминлаш, янада юқори босқичга кўтариш, бугунги кунда ўқитувчидан таълим жараёнининг боришини қайта—қайта атрофлича чуқур таҳлил қилишни талаб этади. Таълим жараёнида сунъий равишда ташкил қилиниб, қатор педагогик омилларнинг натижасида қўйилган мақсад амалга ошрилади, яъни (расмга қаранг)

Мақсад

Фаолият

Натижа

Мазкур тизим анъанавий таълим технологиясининг табиий модели бўлиб, у йиллар давомида такрорланиб, ўқитувчи, талаба ҳаракатининг инстинктига айланиб қолган. Шунинг учун ҳам дарс тузилишидаги ўқув-билув жараёни юқоридаги расмга бўйсиндирилган. Ўқитувчи фаолият давомида дидактик принципларга амал қилади, методлар танлайди ва ҳар бир дарс ягона тугалланган ўқув бирлигига айланиб қолади. Дарсни ташкил қилиш унинг давомийлигини таъминлаш, унинг босқичларига амал қилиш талабаларнинг билимларини ўзлаштиришнинг яккаю — ягона воситаси ҳисобланади.

Анъанавий таълим технологияси сўраш, тушунтириш, мустаҳкамлаш, баҳолашдангина иборат ва ушбу тартиботни амалга оширишда ўқитувчининг педагогик маҳорати ёрдамга келади ва оқибатда услубий хизматнинг барча воситалари ўқитувчининг касбкор маҳоратини оширишга қаратилиши заруратга айланди. Ўқитувчи методи таълим технологиясига мос тушмайди, яъни таълим олиш технологияси жараёнида ўқувчи асосий объект бўлса методик хизмат соҳасида эса ўқитувчи асосий объект ҳисобланади. Дарсда ўқитувчи бош фигура. У ахборот бериш, сифатли ўқитиш билан овора, лекин ўқувчиларнинг янгиликларни қабул қилиш даражалари ҳар хил, хохиш — истаклари турлича, улар пассив эшитувчи, қулоқ солувчи, бу уларнинг ўқув жараёнидаги маъсулиятини, жавобгарлик хиссини сусайтиради. Демак, улар мустақил фикр юритиш, мулохаза қилиш, хулоса чиқаришдан йироқ. Дарс жараёнида, таълим — тарбияда ўқувчи асосий ҳаракатлантирувчи куч, таълим жараёни субъекти бўлиши керак, яъни ўқиш- ўрганиш, мутоала қилиш ўқувчи зиммасига ўтиши керак. Ўқитувчи эса ўқитишдан ўқишни ўргатишга, билим беришдан ўқувчиларнинг билимларни мустақил эгаллашларига кўмаклашиши зарур. У ўқувчини эхтиёж туғдиришдан муҳит яратишга ва ундан маъсулиятни сезишга йўллаши керак.
Ҳар бир дарс учун таълимий, тарбиявий ва ривожлантирувчи, яъни бир—бири билан ўзвий алоқада бўлган уч ёқлама мақсадлар қўйилади. Дарсни ташкил қилиш шакли унинг қатнашчиларининг ўзаро алоқаларига боғлиқ бўлиб, у мақсаддарга, ўқув материали хусусиятларига таълим методдарига ва ўқув имкониятларига боғлиқ. Бунга эришиш учун ўқитувчи рахбарлигида педагог билан ўқувчилар биргаликда ҳаракат қиладилар. Худди мана шу жараён дидактикада ўқув жараёни дейилади. Ўқув жараёни уч компонентдан иборат. ( Расмга қаранг)

Ўқув жараёнига бундай янгича қарашнинг туб моҳияти шундан иборатки, ўқитишда ички мотивациядан (диққатни тортиш, ички туйғу, истак, заруратни шакллантириш) келиб чирши керак. Ўқув жараёнида асосий ҳаракатлантирувчи куч ўқувчи учун ҳам, ўқитувчи учун ҳам ички мотивация бўлиши зарур.

«Тест», «рейтинг», «инновация», «суггестивлик», «муаммоли усул», «дастурланган усул» ва ҳоказо тушунчаларининг мазмунларини аниқлашнинг турлича талқинлари мавжуд.
Тест, рейтинг-синов, усул, текшириш, билимни баҳолаш - деган маънони билдиради. «Инновация» атамаси ўрнига унга яқин турдаги атамалар ҳам ишлатилади. Масалан, ислоҳ модернизацияси, такомиллаштириш, замонавийлаштириш ва бошқалар. (тўлиқ маъносини очмайди, лекин тушунчасини ифодалайди).
Инновациянинг турли таърифлари мавжуд: инновация (лотинча inovatis)—бу янгилик, янги тартиб қоида, ўзгариш деган маънони англатади.
Инновация бирор янги нарсани, янги тартиб қоидани киритишни англатади. Янгилик кўпинча янги методлар, воситалар, янги концепциялар, янги ўқув дастурлари киритишни ҳамда қўлланишга хосдир.
Янгилик ва ўзгариш?
Юнеско хужжатларидан бирида “Янгилик албатта янги бўлиши шарт эмас, бироқ у албатта нимаси биландир яхшироқ ва ўз-ўзидан намоён этилиши мумкин бўлади”—деб кўрсатилган.
Инновацион муаммолари билан боғлиқ бир қатор тадқиқотларда ўзгаришлар янгилик бўлиши, бироқ ҳар доим бўтунлай янги ғоялар ёки шакллар бўлмаслик мумкинлиги фараз қилинади.
Шундай қилиб, инновация тушунчаси орқали ўқув-тарбия жараёнини яхшилаш ва такомиллаштиришга йўналтирилган дидактик, методик, ташкилий—техник ўзгаришларни тушунамиз.
Педагогикада инновацион муаммоларни ҳал этишда ўқитувчининг ижодий фаолияти энг долзарб муаммо бўлиб қолмоқда. (энг зарур педагогик техникани эгаллаш, таркибий қисмлари). Педагогиканинг ижодий салоҳияти унинг ижодкор шахсни шакллантиришга интилмоқда, педагогик одобнинг намоён бўлиши, эмпатия, қобилият, тасаввурни рағбатлантириш, қизиқарли, муаммоли саволларни бериш ва хоказо орқали амалга оширилиши мумкин. Педагогик ижодиётда янгилик тушунчасига, муҳим ўрин ажратилиб, унинг вақт ва фаолият тушунчалари билан ўзвий қуйидаги икки вариантларида намоён бўлади: 1) ўтмиш билан боғланмаганлиги ва ҳозирги вақтда мавжудлиги; 2) янгиликнинг ижтимоий муҳимлиги сифатида амалий ишлаши, лекин ҳали стандартлаштирилиш босқичига ўтмаганлиги.
Ҳозирги кунда таълим жараёнида педагогик долзарб масалаларга фан, техника, илғор технологиялар ютуқларидан фойдаланиш асосида шахсни тарбиялаш, ўқитиш ва ривожлантириш мақсадлари, мазмуни, методлари, воситалари ва ташкилий шаклларини илмий таъминлаш киради.
Шу маънода ташкил этилаётган маъруза ва семинар дарсларини ўтказиш ва улар учун замонавий дарс ишланмаларини яратишга эътибор берила бошланди. “Кластер” технологияси, “Интервью”, “БББ”, “Тоифалаш жадвали, “Инсерт” каби янги педагогик технологиялардан фойдаланган ҳолда дарс ўтишни амалга ошириш мумкин, шунинг учун асосий эътибор дарс ўтиш услубиётига қаратилди.
Мавзу: “Инновацион ёндашув асосида ўқитувчи шахсининг касбий-педагогик фаолияти” модулини ўқитиш